Kular ka sorkar wow pynwiar ya i artatien ki paidbah ya ka MUDA Building Bylaws

Shillong: Ka sorkar jylla da kular ko wow pynmih ya ki kyndon aiñ yow pynwiar noh ya ki artatien ki paidbah hei yatoh wa ka Meghalaya Urban Development Authority (MUDA) wa da poi i bor krehkaam ko palat ya u pood u ang ka Municipal wow pynkrehkaam ya ki Building Bylaws.

Neiliang u Montri Rangbah da ong u wa ka sorkar dang thooh laad ko da kiwa bha dooh deiwa booh ya ki bor sorkar ki wym toh na ka MUDA ki wow pynkrehkaam ya ki kattu katni ki aiñ hapoh ki thaw wa haap hapoh ka Municipal.

Da ong u leh wa ka sorkar em ko i kitkhlieh ha ka wa ki yung wa chna man ki ki wym chah ktah ware lada khih khmi khamtam hapoh jylla wa man ka thaw wa slah khih u khmi.

Hei yatoh won wa i chitom wa chem ki bru wa sah cha ki thaw wa em cha palat u pood u ang ka Municipal da ong u wa da phah ya kani ka tnat wow chna ya ki rukom krehkaam wow booh yei por wow pynbiang pyndep ya ki kot ki sla heipor wa biang ya ki bru wa kwah u chna yung hapoh ka MUDA Bylaws.

Related posts

U pyndam ka Mizoram ya kiwa kreh sorkar ki wym ye wow leh yei kaam yong ki

November 28, 2024

Sdang ka sorkar da ka Community Public Private Partnership deiwa e yarap Rs. 106 klur

November 28, 2024

“Da pyrkhat leh wa kammon wow pynsuk ya ki paidbah heipor wa yaleh ki wow pyndep ya kini ki kaam” da ong u Mukul.

Ki Waheh Chnong da dawa ki wa ymtoh u krehkaam ka MUDA Building Bylaws ha ki thaw wa haap cha palat ka Municipal.

Hei yatoh wa ini u Dr. Mukul da ong u wa katkam ka rai ka yungbichaar hei yatoh wa ka mukotduma wa pynsangeh chwa chi por yei krehkaam ka MUDA Bylaws cha palat ki thaw Municipal ym em de krehkaam ko, kamtæ kamwa man kattæ ki Bylaws krehkaam ki cha palat ki thaw ka Municipal.