15 49.0138 8.38624 1 0 4000 1 https://wyrta.com 300 0

Dawa ka CCIB na u CEM ka JHADC wow pyndam ya ka NOC yow kær Naarchieh

0 Comments
Advertisement ad1

Jowai: Ki dkhot ka Co-Ordination Committee on International Border (CCIB) ynne ka sngi da lai yachem ki wa u CEM ka JHADC u Awhai Andrew Shullai wow pynsñiaw i pyrchah hajrong ka NOC wada e ka JHADC cha ki bor District yow kær sainar/naarchieh ha ki bynta khappood nadoh Jaliakhola hadooh Dawki deiwa ong wa ini daw ktah ko chiboon ki thaw rep ki paidbah ka thaiñ khappood.

U Chairman ka CCIB u Sukkynjai Myrchiang da ong u, hei sakhiat katkam ka rukom hi chwa u e NOC toh u em chwa i ya sñiawthooh yumut wa ki tre thaw ki waheh chnong, ki Dolloi wa haap hapoh kitai ki thaw khnang yow lait ki u dooh ya ki thaw rep thaw riang wa jooh im ja ki man ka sngi.

Advertisement ad1

“Hao ym em pyrchah i yei kær sainar neibhah i leh sñiawthooh i yei eh i khoo ki bru ha ki khappood wei dei em i kær sainar u sñiaw chngaaiñ ki bru, tangwa kawi toh wym em won kwah i wa deiwa em i kær sainar u pyndooh won yei thaw rep thaw riang.”ong u Sukkynjai.

Chooh chooh da ong u, katkam ka soskular wa yasoi hapyrdi ka India waka Bangladesh i kær toh u em kamwa 150 yard na u moopood (pillar) katwa kamtæ i dooh u paidbah ymtoh de iwa ke neibhah chisien wada kær ki paidbah ym yoh de ki u lai khih wei lada em makna ki gate daw booh ko i eh ya ki paidbah, neibhah ka nongmuna da yoo kam cha ki thaiñ Khasi Garo Hills kitu ki thaw wa em cha kylla i kær sainar, ki BSF leh ym em de kitkhia ki u lai duty, katwa kamtæ  kitu ki thaw wa em 150 yard næ wa em kamwa chiteiñ kilo meter neh heh ki kamtu wei yoh mynkna ki dkhar Bangla wei lada rep da u kba u kwai leh ki dkhar Bangla wow yoh u khait suk neibhah ki BSF ym lai patrolling de ki chabaar i kær, neitæ i daw kwah i wa lada kær sainar toh u kær nadooh u pood.

Hawa kylli won wa jooh em mo kiwi tawon i wym chongsuk chongsaiñ haki thaiñ border, da khana ki jooh em hi kam ki kaam tooh wei lute iwa nadooh ki yung ki sem, ki thaw rep thaw riang wei seiwi won leh i wan tooh moo na waroh ki wah wa dang haap hapoh u pood India.

Neiliang u Secretary CCIB Kmen Myrchiang ong u, hao hanlada em mynkna ka gate wow booh ha man ka chi kilometer leh ki BSF hadien 4, 5 waje da khang gate wei ym yoh de u psiah nalor wow em i talasi kamtæ ym em kwah i wa ini i pynsaja u jia ki khamtam haki kynthai khynnah.

“I kam ki tre thaw, ki Waheh Chnong, Sordar, Dolloi kiwa kreh hapoh ka satri ka CCIB kwah i wa nyngkong dooh ka sorkar u kynjoh ktien chwa ko cha ki paidbah neibhah nadooh u 1958 por wa chna yaki moopood ka sorkar ym em bood ko ya ki kyndon wei da leh ko katwa ngait kamtæ hadien wa mih ka CCIB la kamwa 20 snem da yakhun wei kwah i wa ka sorkar u pynkyrriah chwa ko ya ki moopood neibhah hadooh katni dang boon ki thaw wa dang haap ha ka District Council kiwa em cha lait u pood, wei hadien wa dep pynkyrriah u pynbait won ya u pood u saam neitæ won u chna yei kær sainar ha u Zero Line khnang yow lait u dooh ya ki thaw ki bhaw,” da ong chooh chooh u Kmen Myrchiang.

Da pyntip u wa hei sakhiat nadooh uni u snem wa da dep wan yaklam ki wa ka JHADC hajrong kani kajooh ka yurim kamtæ u yooluti wa ha kani ka EC wa thymme hapoh i yahkhmat u Andrew u leh ki yeiwa emkaam yow pynyoh yei hok u paidbah neibhah ka District Council toh kawa ksoh ya ka khyndaw ka chyiap katkam ka riti dustur.

“Kamwa ka District Council hi toh kawa pait ya ka khyndaw ka chyiap ka riti dustur kamtæ kwah i wow tuklar ko wei u yaklam waka sorkar jylla kamjooh ka sorkar pyrdi neibhah wow kær dei bor ymtoh iwa ye u man wei i leh ym elaad i,”ong u Jeo Marweiñ u skhot ka CCIB.

Da khana ul eh wot ki paidbah kam cha ki thaiñ Huroi, Hingaria leh ym em mynjur ki yei leh ka sorkar wei ki kwah bait ki u kær sainar na Zero Line.

Neiliang u CEM Andrew Shullai hajrong ini i pyrchah, da ong u wa daw yaklam bha u yeini hapoh ka Executive Committee boi daw pyndam leh ya kani ka NOC.

Advertisement ad1

0 Comments

Leave a Reply