Da wai ya ka Head Office ka Jowai Co-operative Urban Bank Ltd. yow pynjanai yei krehkaam kani ka Bank

Jowai: Ka Jowai Co-operative Urban Bank Ltd. Jowai ynne ka sngi da wai ko ya ka yung krehkaam wa khlieh dooh namo ka Head Office thymme yong ka wa em ha Ladthadlaboh, Jowai heiwa u D.M. Wallang, Projector Director DRDA da man u kam u kongsan.

Kani ka Bank toh kawa da seiñ da ki 31 ngut ki bru wada naam ka ri-loom Jaiñtia ha u snem 1976 wei uwi na kini toh u W. Sana wei u Chairman wa nyngkong kani ka Bank toh u J.D. Pohrmen katwa u Secretary wa nyngkong toh u R.L. Shullai uwa dang em hadooh katni ha ka Board of Director kam u Professional Director yong ka Bank.

Ha ka 10-06-1977 da sdang ko u krehkaam wei ha ki 14 snem wa sdang ya ka da em ko hei dooh nong hadooh wa da mut wow khang noh ya ka.

Ha u snem 1990 deiwa kitkhlieh u K. Tang u Branch Manager ka MCAB Jowai Branch ka Jowai Co-operative Bank da sdang ko u yoh nong hadooh u snem 1991 hei yahkhamt yong oo kam u Honorary Secretary lyngba i kyrchaan ki paidbah wei da man ko hadooh katni kamwa yoo ya ka.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Ka RBI da sdang ko u chimkti ya kani ka Bank ha ka 10-11-2000 wei da tipmit ya ka kam ka Primary Cooperative Urban Bank kiwa em hapoh ka ri India.

Ha ka 30-12-2009 won ka RBI da wan sylli ko ya kani ka Bank wei da e ya ka i naam kam kawi na ki Bank wa da lai bha cha khmat ha ka thaiñ Northeast ka ri.

Ha u snem 2013 won da wai ko ya ka tnat ha Pharamer wei ka tnat ha Iawmusiang u neh ko kamjooh katwa ka Head Office won ym pu em man ko kam ka tnat ka Bank wa ym pu ye ko u e wei wow chim wei wow thap poisa kat wym pu yoh bor ko naka RBI.