Shillong: U Montri Rangbah ka jylla u Dr. Mukul Sangma da ong u wa ka National Green Tribunal (NGT) ym em khang ko wow tih mooyong hapoh ka jylla, khang ko du yei rukom tih wa man be-aiñ.
Da ong u ye u tih katkam ka aiñ deiwa pynemkaam da ka Meghalaya Mineral Development Corporation (MMDC) toh kawa da tipmit da ka aiñ, neibhah i rukom tih mooyong nachwa ym bood ki ya ka aiñ hei yatoh wa ka rymaw, i yada ya ki wa kreh, i rukom tih wei waroh ini emkaam u pynkhreh yow booh ha khmat ka NGT.
Da ong u ha khmat waroh ha ka yung dorbar chna aiñ wa ka MMDC man ko u chabi wow pyllait syndon ya kiwa khih mooyong wei ka MMDC u leh ko waroh iwa emkaam nadooh wow pynkhreh ya ki Mining Plan wa kiwi kiwi yow pynyoh ya ka Mining Lease.
Da ong u leh u pynkrehkaam chwa da ka MMDC kat wym pynkrehkaam ka sorkar pyrdi ya ka Para 12 A (b) ka Sixth Schedule yow khang ya ki aiñ tih marpokhyndaw ka sorkar pyrdi u krehkaam hapoh ka jylla Meghalaya.
Discussion about this post