Mynstep ka lai trekking ki Rovers & Rangers yong ka MBS&G – Jowai Open Unit

Jowai: Ka MBS&G West Jaiñtia Hills District Association hadien wada pynman ko ya ka 4^th Winter Camp ha Thlumuwi, Shkenpyrsit kawa da kut ha kani ka 12 tarik uni u bnai mynstep ka 16 tarik nawon ya ka MBS&G-Jowai Open Unit (JOU) daw pynman ya ka Trekking yong ki Rovers and Rangers.

Ya kani ka trekking u sdang nadooh na yungkrehkaam ka MBS&G-WJHDA heipor 9:00 waje i step hadooh wa poi cha cha ka kchaaid Phephe kawa em ha ka chnong Muphlang.

Ya kani ka lai trekking ya ki khynnah daw yahkhmat da u District Secretary ka MBS&G-WJHDA u O. Laloo.

Ha kani ka lai trekking daw chimbynta ki 13 ngut ki Rover wa 22 ngut ki Rangers yong kani ka Unit.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ha kani ka trekking daw hikai ya kiwa boon ki kaam heiwa kammon u im ki hawa em ki cha baar ka yung ka sem heiwa haap pynemkaam ki da ki mar kiwa e ka bei rymaw nadooh i pynkop diñ, i chet i tu, wa kiwi kiwi.