15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Lyngba ka MLA Scheme wa T. 10 Lak wai ka North Liberty ya Computer Lab yong ka

0 Comments

Jowai: U Dr. R.C. Laloo, Deputy Chief Minister ka jylla ynne ka sngi da wan wai u ya ki Computer Lab ka North Liberty Higher Secondary School kawa yarap poisa u T. 10 Lak na ka MLA scheme yong oo.

U Principal ka skur u R. Uriah da pyntip u wa na ka 10 Lak da thied 40 tylli ki Computer, 5 tylli ki Over Head Projector wa uwi u Server. Da ong u leh wa nachwa ym jooh chim bai Computer na ki khynnah neidaw wa haap chong hadooh 10 ngut ha kawi ka Computer tangwa kattu u sdang noh u chim neidaw wa da yoh ki khynnah wow pynemkaam mar ka wi ka Computer.

Advertisement ad1

Chooh chooh da ong u wa da ye u thied hadooh 40 tylli ki Computer toh neidaw wa ya ki tiar wa emkaam da thied wei da pyndait ya ki pyn hapoh ka skur.

Kini ki Computer chibhah em ki ha ka Higher Secondary Section wa em ha Mission Compund, Jowai ki wow pynemkaam kiwa lai puræ Science.

Da pyntip leh ki Class Test kiwa 10 Marks ki khynnah u leh noh ki ha ki Computer.

U Dr. R.C. Laloo hei klam yong oo da ong u wa kam uwa mihkhmat paidbah man ko i kmen ya oo manda yoo u yei pynkreh hok ya ka poisa wa da e u lyngba ka MLA Scheme.

Da ong u leh wa oo embhah u wow man kam uwa sikai kamjooh leh em u ha ki kaam saiñ hima sima kam u MLA wei i bynta yong oo kam uwa sikai toh iwa khia bha neibhah hap pynkhreh 2 sngi 3 sngi chwa wow nood u sikai ya ki khynnah boi ya em ka kylli ya oo da iwa ym tip u jubab katwa kam u MLA da ong bait katwa em yow pynhun ya ki paidbah lada toh namo i wym toh leh katwa heipor sikai won ym yoh u leh kamtæ.

Da pynchlur u leh ya ki khynnah wow psiah ki cha ka kaam siañ hima sima wei da yooluti u wa kiwa wan hadien leh u kreh chitom ki neibynta ki paidbah.

Kiwi kiwa em ha kani ka sngi toh ka B. Blah,  BDO Thadlaskein Block, u Puramon Kynjing u Dolloi ka Elaka Jowai, ka M. Pde DSEO wa kiwi kiwi.

Previous
Next

0 Comments

Leave a Reply