Amlarem: U Firstborn Mannar uwa man u kyrtong ka UDP ha kani ka Election MDC chiteiñ samoi wa da dep na ka 1-War East Constituency ha ka yalang wa da khut u ynne ka sngi ha chnong Pdengshakap ryngkat wa kiwa bood ya oo, da rai ki da iwi i sur wow mih noh na ka UDP.
I daw wa leh ki yeini toh wa ym hun ki ya u kyrtong uwa pynyieñ da ka UDP u Lahkmen Rymbui wei dang sah sadu kattu katni hi-eh wa neh ha ka party.
Ha ka yalang da rai khaddooh neiliang u Firstborn wa kiwa bood yong oo wow kyrchaan pura noh ya u MLA wa katni u Stephanson Mukhim na ka 7-Amlarem Constituency.
Discussion about this post