15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Lada jop næ rem hadooh T. 100 klur da mang wow pynku ya ka kaam uiñe suwari hapoh jylla: BJP

0 Comments

Jowai: U President ka BJP West Jaiñtia Hills u Marki Mulieh da pyntip u wa hadien wa arsien wa da yoh ki dkhot ka BJP na ri-loom Jaiñtia u yachem wa u Alphons Joseph Kannanthanam uwa man kam u montri khynnah wa pait ya ki kaam uiñke suwari da mynjur u wow pynku ya ki kaam uiñke suwari hapoh ri-loom jaiñtia wei da em leh ka mang poisa wa T. 100 Klur neibynta ka jylla wow pynku ya kani ka kaam.

U Mulieh da ong u wa nachwa duna bha i poi ka poisa cha ri-loom Jaiñtia naka sorkar heiwa boon lai ki cha ri-loom Khasi wa cha Garo.

Da pyntip u leh wa da booh ya ka thong wow pynneh pynsah ya ki krem, u pynmiat ya ki thaw uiñke suwari wa da em chwa wei u krehlang wa ki chnong, ki seiñ wei wow pynemkaam ya ki khynroo khyllood kiwa da biang ka puræ puthi yow yoh khih ki ha kani ka kaam yow lait ki u mih cha baar jylla yow li thooh kreh.

Da ong u leh wa daw e sikai yow man kam ki Tourist Guide, u pynchlur ya ki Tour Operator wow wanrah ki ya ki wa wan uiñke suwari cha kani ka thaiñ.

Chooh chooh da ong u wa ki karkhana pynmih khyndaw bilat wa em hapoh ri-loom Jaiñtia ym em pynkrehkaam ki ya ka Corporate Social Responsibility (CSR) namo ka kitkhlieh ki karkhana wow pynemkaam chibynta ka nong ki neibynta i myntoi ka chnong ka thaw wei u pyntikna noh wow leh ki ya ini.

Waroh ini da booh hapoh ka Vision Document ka seiñ ka wa daw pyllait paidbah ha u Duyatra (January) u snem thymme wei lada poi ka BJP ha i bor synchaar namo ym poi leh waroh ini u leh hapoh 5 snem.

Share this:
Previous

Mih noh u Firstborn Mannar wa kiwa kyrchaan u na ka UDP yow kyrchaan ya u Stephanson

Next

Pyndep u khynroo na WJH ya ka Exam wow man kam u National Referee ha ka Futsal