Da ka yakop Dat Moo Niaw waka Siat Khnam pynman ka KKC wow kynmoo warom ya u Kiang Nangbah

Jowai: Ka Seiñ Khynroo Khyllood Committee (KKC) ka Seinraij Jowai kam wow kynmoo tympang ya ka sngi yap wa 155 yong u Woh Kiang Nangbah, khlawait ka Ri-Loom Jaiñtia, ynnin ka sngi 27 tarik da pynman ki ya ki yakop Siat Khnam ha Madan Madiah Kmai Blai wa i Dat Moo Niaw ha madan Panaliar.

Ha waroh ar ki yalehke da e lad ya ki dong ka Jowai kamjooh na palat chnong wow yachim bynta ki.

Ha ka siat khnam da wan chimbynta da 24 ngut ki bru heiwa ha ka yakop siat yong samen da jop u Sainmiki Suwer wei da yoh wa ar u Justly Passah.

Ha ka yasiat deiwa jied lok mar arngut, u Sainmiki Suwer wa u Sajeki Passah da yoh nyngkong ki wei da yoh wa ar u Lamet Phawa wa u Win Lhuid.

Related posts

Wow e ngooh ya ki Soo Dwar wa ka Tawiar ka Takan, pyndep ka Raij Jowai ya ka Kñia Khang

June 7, 2026

Pyndep ka Raij Jowai ya ka Kbai Mooknor wow e ngooh ya ki Soo Dwar Soo Luti

June 6, 2026

Ha ka yakop Dat Moo Niaw won hei yong ki chynrang da jop ka Panaliar B wei da yoh wa ar ka Panaliar A.

Ha ki kynthai won da jop ka Panaliar wei da yoh wa ar ka Dulong.