Shillong: Ka National People’s Party (NPP) da pyntikna ko wa em hadooh 8 ngut ki MLA ki wow hiar chuki ha ka 29 tarik uni u bnai wei daw psiah noh ki cha ka party ha ka 4 Duyatra (January) 2018 ha ka yalang paidbah ka wow man ha Madan Polo.
U President ka NPP Meghalaya, u Dr. WR Kharlukhi da ong u wa waroh ki MLA ki wow psiah cha ka party em ki 8 ngut, wa kynthup ya u Prestone Tynsong, u Sniawbhalang Dhar, u Ngaitlang Dhar, u Rowell Lyngdoh, u Coming One Ymbon kiwa man leh kam ki MLA ka Congress, u Remingtone Pyngrope na ka UDP, u Stephanson Mukhin wa u Hopeful Bamon kiwa man ki MLA ssamen.
U Dr. Kharlukhi da ong u wa ka NPP daw yakhun ko na ki 50 tylli ki Constituency ha kani ka MLA Election 2018, wei ym slem de daw pynbna ko ya ki kyrtong yong ka.
Ka NPP da pynbna ko leh sa arngut ki kyrtong wow yakhun na ka seiñ wa kynthup ya u Erwin Sutnga na North Shillong wa u Sounder S Cajee na South Shillong Constituency.
Discussion about this post