Kyntu ka KSU ya waroh wow paitsiar yei wan psiah tooh kiwa chah kyntait ha ka Assam

Jowai: I pynmih ya ka list kawa nyngkong yong ka sorkar Assam ya ka National Register of Citizens (NRC) heiwa ka tarik wow yoh u em pyrtuid (Cut-off Date) toh ka 24 Wisu (March) 1971 man ko kam chi bynta wow tipmit ya kiwa chong chnong wa pura ka jylla Assam wa kiwa poiwiar kiwa wan hadien ka Cut-off Date.

Kani ka List da pynmih ha ka 31 Kmaichonglad 2017 heiwa napyrdi ki 3.29 Klur kiwa wan cha khmat da pdiang yei pyrtuid yong du ki 1.90 Klur ngut. Ini i leh yong ka Assam lyngba ka NRC toh neidaw wa boon palat kiwa wan chong chnong hapoh ka jylla khamtam kiwa na Bangladesh wei du hapoh 10 snem 12 tylli ki District na pyrdi ki 34 tylli, ki tre jylla da man ki ki khian paaid.

Ka Assam lyngba ka NRC da thmu ko wow beh noh næ wym tipmit de ya kiwa wan hadien u 1971 wei u dooh ki ya waroh ki myntoi na ka sorkar Assam wei u e ko du i emkaam katkam wa booh da ka United Nations, kam i baam, i yung sah wa i thaw sah.

Da sñiawthooh wa boon kiwa ha Assam daw thooh thaw ki da kiwi yow chong suk biang ha Assam wei lada ym yoh laad ki da ye ki u psiah cha ka Meghlaya kawa man ka jylla wa jan tam kawa em u pood wa jrong wa ka Assam.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ka Meghalaya em ko kiwa chong chnong kamwa 29.67 lak ngut heiwa ki Khasi em ki kamwa 14 lak ngut katkam ka Census 2011. Katwa ki wym pu mih pyrtuid wa nyngkong yong ka NRC ka Assam da poi ki hadooh 2 klur duna. Kamtæ lada 20 lak ngut kiwa phetwiar noh na Assam u wan ki cha bri u Ynñiawtrep itæ mut da man khian paaid i ha ka jylla.

Ka sorkar MUA II ha kini ki sngi da pynmih ko ya ka khubor wa phah ya waroh ki heh District yow man ki kiwa pait bniah wei wow husiar ya em kiwa psiah tooh cha ka jylla wei ka seiñ Khasi Students’ Union da kyntu ko ya ka sorkar wow pynkhor ko yei psiah i mih ki baar jylla wei toh u leh kamwa leh ha ka jylla Nagaland, Manipur wa Mizoram deiwa pynyang da ki bor pulit ka jylla wa ki chipai ha waroh ki thaw khappood.

Nalor ini ka seiñ da kyntu ko ya waroh ki tnat krehkaam ka seiñ khamtam kiwa ha ka thaiñ khappood wei kamjooh ki dorbar chnong, ki VDP, ki seiñ kreh mon sñiawbha wa kiwi kiwi yow man ki kiwa paitsiar ha man ki thaw khnang wym em iwon iwon i psiah tooh chapoh ka jylla.

Khatdooh ka seiñ da maham ko ya ka NFR wym toh u sdang biang ko u chna ya ka luti rel kat wym pu biang ki aiñ wow yada yei mantre ki paidbah ka jylla.

Also Read: Phah husiar ka sorkar ya ki pulit wa chah beh chnong palat 1 Klur na Assam