15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1

Phah husiar ka sorkar ya ki pulit wa chah beh chnong palat 1 Klur na Assam

0 Comments
Advertisement ad1
Advertisement ad1
Advertisement ad1

Shillong: Wow khang laad ya i wan psiah tooh ki bru wa chah beh chnong na Assam, ka sorkar jylla da phah ko ya u Chief Secretary ka jylla wow hukum wow phah husiar ya ka tnat pulit wow khang laad ya ki bru kiwa thmu wow wan psiah tooh cha ka jylla kawa em ya u pood wa 900 km wa ka Assam.

Da ong u wa i em ka Residents and Safety Act daw man ko kam ka lamieñ wow da wow kær na kam kini ki bru kiwa thmu wow wan psiah tooh neibhah wa nadooh ki bor district hadooh ki yong ka block da haap lai ki katkam kani ka aiñ ya ki bru wa wan psiah tooh.

Da phah ya u Director ka tnat pulit wow yakrehlang u wa ki bor pulit na Assam hei yatoh wa ini.

U Dr. Mukul da pyrchah joor u ya ka National Citizenship Bill ka sorkar NDA kawa elaad kyrpang du ya ki Hindu wa sah cha baar ri wow uiñ biang ki cha India neibhah kani ka aiñ ktah joor ko ya ka thaiñ mihsngi ka ri.

Da ong u wa kani ka Citizen Amendment Bill, booh ko hei ma ya ki paidbah ka Meghalaya wa ka thaiñ mihsngi neibhah wa e thaw ko ya kini kiwa na baar wow roi ki hapoh ka ri.

Kani ka aiñ elaad kyrpang ko du kat ya ki Hindu khamtam kiwa na Bangladesh heiwa kiwi won ym ye de ki u uiñ wei ini i thmu ka sorkar NDA toh wow pynwiar ya ki bru ka thaiñ mihsngi khamtam kitu kiwa khian paaid, da ong u Dr. Mukul.

Hei yatoh wa i chah pynbaad wa da saam scheme da ki hajar wow thied vote da ki MLA warim ka Congress wa man leh kam ki montri yong oo, u Dr. Mukul da ong u wa kani toh ka scheme ka wymtoh wow pynbaam poisa, da ong u wa kani toh wow e yarap cha ki paidbah wow ye ki u yieñ hajrong ki kjat yong ki hi.

Advertisement ad1
Advertisement ad1

0 Comments

Leave a Reply