Rai ka yung bichaar wow kset hadooh le snem ya uwa slaitbor ya ka khynnah wa 11 snem

Jowai: Ha ka 22-05-2015 kawi ka manbei da ujor ko ha ki pulit ka Jowai Police Station wa ka khon kynthai ko kawa dang 11 snem da chah slaitbor ko ha ka 21-05-2015 ha u bru wa tip kam u Wanmi Lyngdoh uwa em 20 snem i rta.

Ya kani ka kaam slaitbor da pynngat hapoh ka kyndon wa 4 ka aiñ POCSO Act 2012 wei da pynman ya ka takit da ka WPSI O. Tyngkan kawa da man Inspector kani wei da pyndep ya ka takit ha ka 03-08-2015.

Ya ka mukotduma da chong bichaar da u Noor-Ain Khan (MHJS), Hon’ble Special Judge (POCSO) Jowai.

Ha ka 15 tarik uni u bnai da pynmih ya ka hukum wa u Wanmi Lyngdoh toh uwa emkti ha ini i kaam slaitbor katkam ka Section 8 ka aiñ POCSO wei da phah kset patok ya oo 3 snem (Rigorous Imprisonment) wei da pyndaiñ kuna ya oo T. 1,000 wei lada ym su u daw kset patok ya oo sa chi bnai tam.