15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Poi ka tayaw 29th National Safety Week chawa kut ha Jowai

0 Comments
Advertisement ad1
Advertisement ad1

Jowai: “Hadooh 5 Lak tylli ki yatyrrah kari da jia hapoh ka ri India ha ka chi snem heiwa 1.50 Lak ngut ki bru da dooh ki yei mynsien yong ki,” da ong u MJ Marngar, DSP ka WJH ha ka yalang pynkut ya ka 29th National Safety Week wa pynman ha yungwalieh ka Tpep-Pale, Jowai.

Kani ka Road Safety toh kawa sdang nadooh ka 11 tarik uni u bnai. “Neiliang yong ka Jowai Traffic da pteiñ ki ya ka waroh chisnem dei e sikai ya ki khynnah wow lai ki na ki luti kjat, u kaap chiliang sarok kamjooh leh ya kiwa yah kari.” Da ong u SI E. Pohchen uwa pyllai leh ya ka yalang.

Advertisement ad1
Advertisement ad1

Neiliang P. Lyngdoh da ong u wa khuslai u yei rukom e License kulmar ka yungkrehkaam u DTO hadooh kiwa dang khian rta leh dang yoh license ki.

Chooh chooh da ong u wa kani ka yalang wa pynman toh kawa emkaam bha khamtam katni wa da pynemkaam da ki kari ha ka lai ka wan khamtam u ngait ya ka aiñ yah kari iwa da ong u wa chem boon ki bru ym em burom ki ka.

Ha kani ka sngi da em leh ki Waheh Chnong kam na Panaliar, Dongmihsngi ki seiñ kamai kari wa kiwi kiwa da pynsñiaw yeiwa chem ki ha ki kaam yah kari wei da em wa ong wa boon ki truck da pyndait Headlight ki boon tylli katwa ya ki kari khian da khang wow pyndait da kiwa tyrchaaiñ wa khlanbor, yeiwa deiñ Seatbelt kiwa yah kari du ha ki bynta wa em ki pulit wa kiwi kiwi de ki phang.

Neiliang u DH Pde u Traffic In-Charge da ban joor u yeiwa emkaam u deiñ seatbelt heiwa da chem leh u boon ki ya tyrrah wa chyrkhei tangwa ki bru ym em mynsoo ki du neiwa deiñ seatbelt ki.

Ha kani ka sngi leh da pynyoo leh ya ki Video wa ma wow pynemkaam Mobile Phone hawa yah kari kamjooh heipor wa lai kjat wa kiwi kiwi de.

Da chim leh ya ka smai namo ka pledge hajrong ka Road Safety wa yahkhamt da u DH Pde.

Da pynkut ya kani ka National Safety Week da ka lai Rally ki dkhot ka West Jaiñtia Hills Taxi Owners and Drivers Association deilang wa ki pulit wei da pynman leh ya ka leh droma wa tbian ha Iawmusiang da kiwa puræ ka Thomas Jones Synod College chaphang i ma wa mih na i pynhær kari wa i pynemkaam mobile phone heipor wa yah kari.

Share this:
Previous

Chongkun ka Dorbar ka Seiñ Kur Phawa Siangshai ha Wahiajer

Next

Rai ka yung bichaar wow kset hadooh le snem ya uwa slaitbor ya ka khynnah wa 11 snem