Sñiawngooh ki chnong ka Elaka Narpuh wa wanrah ya ka C&RD Block ha Lumshnong

Jowai: Ka yalang yong ki Waheh chnong wa ki Secretary yong ki chnong kiwa em hapoh ka Elaka Narpuh wa ki kattu katni tylli ki chnong kiwa em ha ka elaka Rymbai kawa pynman ha kani ka 23 tarik da pynsñiaw ki ya i sñiawngooh ya ka Sorkar hapoh i yahkhmat u Dr. Mukul Sangma yeiwa chynna jngai ki neibynta wow pynsmat u wanrah ya ki kaam pynroi hapoh kani ka thaiñ wa ha ka district deiwa booh ya ka Community and Rural Development Block ha Lumshnong nalor kiwi kiwi ki kaam pynroi kiwa da leh neibynta ka thaiñ.

Napyrdi kiwa wan wa da em kamwa 30 tylli ki chnong, u Dolloi yong ka elaka Narpuh, ki MDC ka thaiñ wa kiwi kiwi. Waroh kiwa wan cha ka yalang wa mihkhmat ka chnong da pynsñiaw ki ya ka yaroh wa i sñiawngooh ya ka sorkar yei booh ko ya ka C&RD Block ha ka chnong Lumshnong, East Jaiñtia Hills District, Meghalaya.

Kam wow pynkynmoo kiwa boon na ki chnong yong kani ka thaiñ toh kiwa em khappood wa ka jylla Assam waka ri Bangladesh. Ki bru da chem ki boon i eh i khoo ha ka lai ka wan neidaw wym biang ki sarok wei ym em ki kari wa kamai wa tikna wow pynyabi ya kattu katni tylli ki chnong kam ka chnong Ampyrdit, Lejri, Hingaria, Huroi, Lailong, Myrli, Lum Tongseng, Sakhri, Pahar Umkiang, Lumphyllut, Brishyrnot, Danabhoi, Borsara, Shymplong wa kiwi.

Kiwa chong chnong yong kani ka thaiñ toh ki warep kwai, rep pathi, rep saroo, rep lyngkha, rep khloo, rep soh wa kiwi kiwi. Kiwa boon hi toh kiwa dooh neibhah wa da chaniah tylli ha ka kaam rep kaam riang neibhah wym emlaad de da kiwi ki laad kamai. Nalor ini, ki bru leh man ki kiwa duna ha ka thoh ka taar ka puræ ka puthi.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Chooh chooh, kiwa yahkhmat kani ka thaiñ da booh dorkhat ki nadooh u snem 2012 ha khmat ka sorkar wow wai wei wow booh ya ka C&RD Block ha Lumshnong neibynta wow pynbha ya ka rep ka riang wow kyntu ya ka yoh ka kot lyngba ka kaam rep.

Kamtæ hapyrdi i yooluti wa da slem, ka sorkar jylla da wan booh ko ya ka C&RD Block ha Lumshnong wa pynman sakhiat yeiwa dawa.

Kamtæ ka yalang yong ki waheh chnong wa ki Secretary wa kiwi kiwi ki waheh wa sian kiwa em ha ka yalang da pynsñiaw wa i em ka C&RD  Block ha Lumshnong ym ktah ko ya kiwi ki chnong wa em hajan neibhah ka Lumshnong man ko ka chnong wa em hapyrdi na ki chnong kiwa em ha khappood kamjooh ki chnong kiwa ha ki thaiñ Khliehriat neibhah ym toh iwa eh u poi chadooh kani ka chnong wa em harood u sarok NH-44.

Ini toh katkam wa pyntip u Jeremaia Dhar Secretary, Elaka Narpuh, Lumshnong.