15 49.0138 8.38624 1 0 4000 1 https://wyrta.com 300 0

Da lehwarom ya ka sngi National Voters Day wa kyrpang neibynta kiwa duna hei doh i pran

0 Comments
Advertisement ad1

Jowai: Ka yungkrehkaam u DC ka West Jaiñtia Hills ynne ka sngi da leh warom ko ya ka National Voter’s Day katkam ka phang wa da pynbna ka Election Commission of India kawa ong “Accessible Election” namo ka Election wa waroh u ye u embyntalang heiwa u pynchlur ya kiwa duna hei doh i pran u pynemkaam ya ki Vote yong ki wow yarap leh ya ki yow suk ki u thap Vote.

Ha kani ka sngi kam ka dak wow pynchlur ya kiwa em i duna ha doh i pran yong ki da e ha ki ya ki da ki Badge wow deiñ ki wa ki Certificate heiwa da khut ya 60 ngut wow emlang.

Advertisement ad1

U Ansa Freddy Khlem uwa man kam u District Campus Ambassador for People with Disabilities hei klam yong oo da sñiawngooh u ya ka yungkrehkaam u DC wa tipmit ko ya ki, wa man leh ka Vote yong ki kawa kor kam ka yong kiwi kamtæ da kyntu ya kiwi wym hoi u pynsepai ya ka Vote yong ki.

Neiliang u DC da ong u wa waroh man ki kamchibynta i krehkaam ka ri wei ym em pait yeiwa em cha lait, ki kaam wa leh toh iwa emkaam ware.

Ha kani ka sngi kam ka dak wow pynchlur ya kiwa em i duna ha doh i pran yong ki da e ha ki ya ki da ki Badge wow deiñ ki wa ki Certificate heiwa da khut ya 60 ngut wow emlang.

Ha kani ka sngi leh da pynkup burom ya ki Millennium Voters namo ki wow thap Vote kam ka sien wa nyngkong kiwa kha ha ka 01-01-2000 heiwa da em ki 9 ngut 5 na Nartiang Constituency, 2 ngut na Jowai Constituency wa iwi samen na Mowkaiaw Constituency wa Raliang Constituency.

Da saam leh ya ki khusnaam cha kiwa jop ha ka yakop phet wa tip kam Run for Democracy heiwa na ki chynrang  da yoh nyngkong u Dabit Dkhar, wa ar u Teiboklang Biam wa le u Belin Dkhar. Kiwa da yoh leh T. 8000, T. 5000 wa T. 2000.

Ha ki kynthai won da jop ka Happiness Phawa, wa ar da yoh ka Phrui Phawa wa le won da yoh ka Rilung Shylla. Kiwa da yoh leh T. 8000, T. 5000 wa T. 2000.

Da pynkut ya ka yalang deiwa puræ ya ka smai wow kular kam kiwa thap vote u man kiwa pynemkaam hok ya ka vote wei ym hoi u chah pynbiej wei wow chah thied.

Advertisement ad1

0 Comments

Leave a Reply