Amlarem: Ka 8th National Voters’ Day hajrong ka phang “Accessible Elections” da lehkmen ya ka ynne ka sngi ha Amlarem Sub-Division kawa pynman da ka yungkrehkaam ka SDO (Elections).
Ka Sub Divisional Officer Amlarem, ka D.M. Suja da pynkynmoo ko ya waroh yei emkaam u thap pyrtuid hapoh ka Electoral Roll heiwa nachwa da em artylli ki rukom thap pyrtuid wa tip kam ka Special Summary Revision waka Intensive Revision, tangwa katni won em leh ka Special Drive heiwa ki BLO da psiah ki ha kawi pa kawi ka manyung yow pynsñiawthooh yei emkaam wow pynpsiah pyrtuid ha ka Electoral Roll.
Da kyntu ko leh ya waroh kiwa da dap 18 snem wow pynpsiah pyrtuid ki ha ka Electoral Roll.
Ka J. Kharpuri, EAC (Elections) Amlarem, won da klam ko hajrong ka phang i thap Vote deiwa emburom.
Da saam leh ya ki EPIC cha kiwa thap Vote wa tip kam ki “Millennium Voters” kiwa kha ha ka 01-01-2000 wei da e leh cha ki ya ki Certificate.
Da pynkupburom leh ya kiwa thap Vote kiwa duna hei doh i pran wei da saam leh ya ki khusnaam cha kiwa jop ha ka yakop phet wa tip kam ka “Run for Democracy” wa pynman ha ka Sub-Division.
Da pynkut deiwa chim ya ka smai wow pynemkaam hok ya ka Vote wei ym hoi u chah thied chah pynbiej.
Discussion about this post