15 49.0138 8.38624 1 0 4000 1 https://wyrta.com 300 0

Phooh i sdang ka lehkmen Ruby Jubilee ka Seng Samla Katholik Jowai

0 Comments
Advertisement ad1

Jowai: Ka Seng Samla Katholik Balang Jowai ynne ka sngi da sdang ko ya ka lehkmen Ruby Jubilee namo i dap 40 snem yong ka kawa pynman ha madan Basket Ball ka Marian Hill Higher Secondary School Jowai.

Ka Seng Samla Katholik da sdang ya ka ha ka 23-05-1979 hapoh i yahkhmat u President wa nyngkong yong ka u Dominic Sutnga wei da yabhah ya ka ha ki ar bynta ka Seng Savio ya ki chynrang wa ka Seng Sodality neibynta ki khynthai kawa yahkhmat da ka (T) ka Maria Rymbai tangwa da wiar noh ki katwa dang lai i por.

Advertisement ad1

Kamtæ ha u snem 1981 u (T) Fr. Quidotto, SDB uwa man man u Acting Parish Priest ha kitu ki por da khut u ya ki kattu katni ngut ki khynroo yow pyntip cha ki wa kwah biang u pynim biang ya kani ka Seng Samla wei da seiñ ya ka Seng Samla Jowai ka wow pait ya ki khynroo khyllood ka Balang ka chnong Jowai.

Ha u snem 1984 da wan chimkti noh da u (T) Fr. Vincent Kympat wei da pynskem ya ka riti krehkaam ka seiñ wei da booh ya ktien imsngi wa tip ka “Ialam, Ialap”.

Ha u snem 2005 hadooh 2007 won da tip pyrtuid ya ka seiñ kam ka Seng Samla Katholik Local Jowai wei ha u snem 2013 hadooh katni won da tip ya ka kam ka Seng Samla Katholik Jowai.

Ya kani ka sngi lehkmen Ruby Jubilee da wan sakhi da u Peter Tremi Passah, MCS, East Khasi Hills kam u kongsan wa u Lambha Syngkon, Sub-Inspector uwa pait leh ya ka Ummulong Police Outpost kiwa da pynhær leh ya ka lama ka seiñ waka balang.

U Syngkon hei klam yong oo da yaroh u ya seiñ kawa yarap ya ki khynroo wa ki khyllood wow pynlut yei por yong ki ha kiwa boon ki kaam yow lait ki nei chah pynchoi yow poi cha ki kaam wa lait.

U Kongsan won hei klam yong oo da e khublei u ya ka seiñ wa da poi ko cha kani ka moomær wei da kyntu u ya ki khynroo khyllood wow man ki kiwa chlur wow wan cha khmat neibhah ki man ki kam ki dur ka Balang yow booddien kiwi neibhah ki khynroo khylood man ki ka mynried ka ri.

Da pynkynmoo u wa man ki kiwa sñiawkhian wei lada leh iwon iwon i kaam hanlada khian katwa khian leh toh leh heitæ i rukom wa pynphylla ya waroh.

Ha kani ka sngi da pynkup burom leh ya ki President wa ki Secretary warim ka seiñ wei da yoh ya ki rwai ki chaad na ki dkhot ka seiñ.

Advertisement ad1

0 Comments

Leave a Reply