Shillong: U Lat ka jylla u Ganga Prasad ynne ka sngi da pynjoo dawai u Polio u hawa sdang ya ka Intensified Pulse Polio Immunization (IPPI) 2018 ha District Maternity & Child Hospital, West Garo Hills Tura.
Ya kani ka programme pynjoo dawai da pynman da ka yung khrekaam ka District Medical and Health Officer, Tura.
Hawa e i klam ha kani ka sngi u Lat ka jylla da kyntu u ya waroh kiwa sumaar bru wow pynbiang ya i e ya ki dawai dachin cha kiwa dooh wa duk ka imlang sahlang ha ki thaiñ palatchnong wow sñiawthooh ki yei myntoi na ini i e dawai.
Heijooh i por da kyntu u ya waroh wow kreh ki met wa mynsien wow kyntu kynrong ya ki kaam wa yatoh wa i chait i khiah ki bru kiwa sah cha ki thaiñ palat sor wow ye u wanrah i roi i paar ka jaitbru wa ka ri.
Hadien ini waroh da saam leh ya ki khusnaam cha kiwa jop ha ka yakob phet wa tip kam ka Martyrs Day Run.
Ha kani ka sngi ka Dr. Ivory A Sangma da pynsñiawthooh ko yei emkaam wow pynjoo ya ini i dawai neibynta ki khynnah hapoh ka District wa ka jylla hi waroh kawi.
Kiwi kiwa da klam ha kani ka sngi toh u Deputy Commissioner ka West Garo Hills, u Ram Singh, u District Medical & Health Officer, u Dr. MR Sangma wa kiwi kiwi.
Discussion about this post