Jowai : Ka ophis yong u Deputy Commissioner (Election) da pynbna paidbah ko ya ki prokram wapher wapher wa da pynkhreh hei yatoh wow lehwarom ya ka National Voter’s Day kawa daw man ha ka 25 tarik uni u bnai.
Mynstep ka 12 tarik heipor 11 waje i step ha Thomas Jones College daw pynman ya ka “Debate Competition” ha jrong ka phang “Lack of inclusive electoral participation, especially women has dampered the True Spirit of Democracy in the Country” pynbood won sa ka yakop “Slogan Writing” hei por 1 waje i sngi ha Thomas Jones College hi.
Ha ka 13 tarik ka sngi wa bood hei por 11 waje i step daw em sa ka yakop “Essay Writing” hajrong ka phang “Greater Electoral Participation of Women is the need of the hour” katwa heipor 1 waje i sngi ha Thomas Jones College hi daw em sa ka yakop “Extempore Speech”.
Ya ki wa kwah u chimbynta ha kini ki yakop ye ki u wan chwa i por wa sdang yow pynpsiah (register) yei pyrtuid yong ki wei kamjooh ha kini ki yakop ye kiwon kiwon ki tre ri India u wan chimbynta.
Katwa ha ka kani ka 22 tarik daw pynman ki ya ka Bike & Cycle Rally.
Kani ka rally daw pynman ya ka ha Thomas Jones Synod College, Jowai nadooh 8 waje i step. Kani ka rally daw pynlai luti ya ka na Thomas Jones Synod College – Dulong – Panaliar – Iongpiah – Lumkyrwiang – Umshangiar – Khimmusniang – Mynthong – Iawmusiang (D.C’s Office) – Thomas Jones Synod College. Kamjooh ya ki wa wan chimbynta ha kani ka rally daw sam mynkna cha ki ya ka T-shirt kamjooh daw pynbiang bai petrol ya ki waroh.
Kiwa kwah u chimbynta ha kani ka rally ye ki u e yei pyrtuid yong ki, wei ye ki u tip bniah na u B.J Kharshandi, MCS, EAC Election, næ ye ki u phone ha u Mobile No – 9856127073.
Ha 25 tarik won daw em leh ka pdiang burom ya ki 30 ngut kiwa dang yoh thymme ya ki Electoral Photo Identity Cards (EPIC) kamjooh daw saam ya ki EPIC ha waroh ki polling station ha kani ka sngi. Ha kani ka jooh ka sngi leh daw saam ya ki prize cha ki wa jop ha ki yakop wa daw pynman.
Discussion about this post