Beiñ ka Congress ya ka BJP wym ye ko u booh kyrtong ha waroh ki 60 Constituency

Shillong: Ka Congress hapoh ka jylla Meghalaya ynne ka sngi da klam beiñ ko ya ka Bharatiya Janata Party (BJP) neidaw wym ye ko wow pynyieñ kyrtong ha waroh ki 60 tylli ki Constituency neibynta ka Election ka wow pynman ha kani ka 27 tarik uni u bnai.

“Ka BJP kob ko wa daw jop boon dooh ko tangwa tang ki kyrtong leh ym em ye ko u pynyieñ ha waroh ki Constituency,” da ong u Montri ka jylla u Ronnie V Lyngdoh.

ADVERTISEMENT

Manda kylli ya oo wa ka Congress leh ym ye ko wow pynyieñ kyrtong ha waroh ki 60 tylli ki Constituency da ong wa ka Congress ym em man ko kam BJP kawa jied kyrtong hi-eh katwa yoh.

Da kdaw u leh wa ka Congress ym em e Ticket ko cha ki Businessman wa ki Contractor wei ka hi jied ko ya ki bru kiwa biang ka puræ puthi.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

“Ki MLA toh u man ki kiwa chna aiñ ymtoh u leh Business donhi ki, toh u pynlut por ki wow yañia hapoh ka yung dorbar chna aiñ,” da ong u Lyngdoh.

Kam ha kiwi ki snem ka Congress ha uni u snem ym em ye ko wow pynmih kyrtong ha waroh ki 60 tylli ki Constituency chisien pynmih.

Dang thooh kyrtong ko ha Khliehriat, South Shillong wa Pynthorumkhrah heiwa da mih ki MLA wow psiah cha ka BJP.

U Lyngdoh da kam u leh wa boon ki kyrtong ka BJP tang ka bai Security leh ym lait ki heiwa da ong u leh wa na ki kyrtong yong ka haap leh hi-eh ki katwa ong ki kattu katni ki Businessman.

“Ym em ki ya i sap wow man kam kiwa mihkhmat wei da pynbor donhi ya ki wow yakhun Election ki,” ong u Lyngdoh.

Chooh chooh da ong u wa em ki bru wa ngait wa lada poi ka BJP heibor daw pyndooh yei chah khang tih mooyong hapoh 6 bnai tangwa da pynkynmoo u wa ymtoh ka sorkar wa khang yei tih mooyong da khang yeini da ka NGT.