Jowai: Hadien wa mih ka khubor wa em ki kari kiwa chah dat moo ha Sutnga, East Jaiñtia Hills District wei da em leh i pynmynsoo ya uwi u bru, ynne ka sngi u Waheh Chnong ka Sutnga da pyntip u wa da pynman ya i takit hapoh ka chnong hajrong ini waroh wei ym chemdien ya kiwa emkti wei da suba wa ye u man wa da em wa chim kabu yong kiyi kiyi.
Kamtæ da kyntu ya ki khon ka chnong wow yakrehlang neibynta wow wanrah yei chongsuk hapoh ka chnong khamtam ha kam kini ki por.
Heijooh i por da maham wa lada chem ya kiwon kiwon kiwa pynawri ha chnong daw kem ko ya ki wei daw ekti ko ya ki cha ki bor ka aiñ wei khang pyrchah wow tem sur Election, wei wow wan pynbiej kiad ya ki khon ka chnong.
Da kyrpaad u leh wa lada em iwon iwon i jia iwa ktah ya uwon uwon namo i chongsuk ka chnong toh u pyntip cha kiwa kitkaam chnong khnang wow ye u pynbait yeini deiwa pynrap leh wa oo smat u wow kreh neibynta i suk i saiñ hapoh ka chnong.
Kam wow pynkynmoo heini wa ini i kwah i angnood yong ki yow yoh ya i kyrchaan laitlood, dadep e dorkhat ki cha u Deputy Commissioner ka East Jaiñtia Hills Khliehriat ha ka 01-12-2017 kamjooh leh cha u Waheh Chnong ka Sutnga haka 14-07- 2017 heiwa da soi pyrtuid leh da ki phaw ngut kiwa chong chnong kiwa dawa yei laitlooid wow jied ya kiwa mihkhmat ha chong ha thaw.
Da e nongmuna leh ya iwa jia ha u snem 2013 da tympiah tympra ya kiwa boon ki manyung ki wym ngait ya u kyrtong wa da rai ka chnong.
Also Read: Syir mynsien ki paidbah ka Sutnga Saipung heipor Election
Discussion about this post