Jowai: Kam chibynta i pyrchang wa khian wa iwa sdang ka seiñ kiwa pathai khubor napoh Ri-loom Jaiñtia, ka Jaiñtia Journalist Association (JJA) daw pynman ko ya ka ‘Open Election Debate 2018’ neibynta ki kyrtong MLA na waroh ki 7 tylli ki Constituency ka ri-loom Jaiñtia.
Ya kani ka Debate u pynman ha ka 13 wa 14 tarik uni u bnai ha Yung Kur ka kur Sookpoh Khadar Wyrnai, Chilliangraij, Jowai.
I thmu yong ka JJA toh wow wanrah ya ki kyrtong na kawi pa kawi ka Constituency ha kawi donhi ka rynsan wow pynsñiaw ki ya ka thong krehkaam yong ki wa i thmu yong ki neibynta i roi i paar hapoh jar jiar ki Constituency yong ki.
Ha kani ka Debate daw em leh ki kattu katni ngut ki waheh wasian ki wow kylli neibynta ki kattu katni ki phang na ki kyrtong wei ya kani ka Debate daw riñ dur (Video) wei daw pynyoo ya ki ha ki Cable TV Network wa lyngba ka Social Media.
“Chirup wa ki kyrtong daw chah u synraan du da ki soo ngut kiwa kyrchaan ya ki hapoh ka Yung Hall wei ym chah wow wan ki palat ya ar kari cha kani ka thaw wa pynman ya ka Debate” da ong ka seiñ.
Ha ka 13 tarik da bhah ya i por kamni hawah:
11:00 AM – 1 Nartiang Legislative Constituency
12:30 PM – 2 Jowai Legislative Constituency
02:00 PM – 3 Raliang Legislative Constituency
Ha ka 14 tarik nawon i por por da bhah kumni hawah :-
11:00 AM – 4 Mookaiaw Legislative Constituency
12:30 PM – 5 Sutnga Saipung Legislative Constituency
02:00 PM – 6 Khliehriat Legislative Constituency
03:00 PM – 7 Amlarem Legislative Constituency
Da khut lang leh ya ki paidbah wow wan sakhi ki.
Discussion about this post