Da toh u kyntait ya ka Congress yow sñiawthooh ko: Conrad K Sangma

Shillong: U MP ka Tura kamjooh u National President ka NPP u Conrad K Sangma ynnin ka sngi da sin u ya u Dr. Mukul Sangma kam u Montri Rangbah ka Congress ymtoh yong ka jylla waroh kawi.

Da ong u wa u Mukul ym em kreh u neibynta ka jylla wei da kreh u du neibynta kiwa hajan yong oo kamjooh ki dkhot ka Congress wa kiwa kyrchaan ya ka wei da ong u ya ini ha ka yalang yalap Election wa pynman ha Dopa Apal hapoh ka Resubelpara Constituency heipor wa yalap Election u neibynta u kyrtong ka NPP u Timothy D. Shira.

Chooh chooh da ong u wa i saam MLA Scheme toh kawa leh chilliang kawa saam du ya kiwa emlang waka Party Congress ym toh cha waroh.

Da ong u leh wa ini pynyoo ko wa kam kiwa mihkhmat paidbah da pyndooh ki yei hok yong kiwi kiwa mihkhmat ki ha ki Constituency yong ki.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

U Conrad da ong u leh wa u Mukul wa kiwa krehlang wa oo da kynmoo ki wa da poi ka por tlang du ha ki por Election wei da saam kymmor ki wei kini ki kymmor wa saam ki leh toh kiwa toh dor wei ymtoh kiwa soi.

Da ong u leh u Mukul toh uwa stat wow pynbiej bru yow jop Election wei da toh por wa ki paidbah wow tip ki yei kaam wa sih wa leh u wei da toh u kyntait ya ka Congress yow sñiawthooh ko.