Hadooh T. 2 lak tam khyrrup ki pulit na ki ar tylli ki kari ha Jowai

Jowai: Ynne ka miet heipor kawa 6 waje hei sylli kari ki pulit neibynta ka Election Commission of India ha Lad Stadium, Ladthadlaboh; na ki artylli ki kari da yoh kem poisa T. 2,17,800.

Na ka kari Toyota Fortuner wa em ya u number ML05 N 7272 ka yong u Rocky Dhar uwa man leh diah u krtong ka NPP na 1-Nartiang Constituency do yoh poisa T. 87,800.

U Rocky da ong u wa kani ka poisa toh neibynta wow su ya kiwa kreh yong oo heiwa oo katni kam u Contractor dang pynrkreh wow chna ya ki luti lai kjat wa ki dooid harood ka National Highway wei emkaam poisa man ka sngi wow pynbiang yeiwa emkaam i kreh wei kani ka poisa ym toh wow pynemkaam neibynta ka Election.

Da ong u leh wa ynne ka sngi da wan ki cha Jowai kam chibynta ka yalap Election neibynta u kyrtong ka NPP u Wailadmiki Shylla kawa pynman ha Mynthong, Jowai wei chwa wow sdang ka yalang da mut ki wow lai dihcha chwa cha Mihmyntdu.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Napoh ka kari u Rocky da chem leh kamwa 6 tylli ki klong Wine.

Na kawi tawon ka kari Alto 800 kawa em ya u number ML 11 1266 kawa rah lama HSPDP wei da em leh i sticker u kyrtong ka HSPDP u Defender Pakem na 5 Sutnga Saipung Constituency da yoh T. 1,30,000.

Ka tre kari kaw tip kam ka I. Chyrmang kawa ong wa sah ko ha Jowai da kam ko wa ka poisa toh ka yong ka wa pynemkaam wow thied Challan, wow su ya ka bai phniang ki truck, bai skur khon wa kiwi kiwi ki kaam yong ka wei ka kari yong ka toh kawa chimwai u kyrtong wei ka poisa ym toh neibynta yong oo.

Neiliang u SP ka WJH u Vivek Syiem da ong u wa daw phah ki ya ka report cha u Returning Officer wei lada suba wa kani ka poisa toh wow pynemkaam neibynta ka Election daw booh FIR ya kini ki bru wei daw pynman ya ka takit.