Jowai: Katkam ka yutip wa da yoh na ki pulit ynnin i miet ka 19 tarik heipor kamwa 7:00 waje da em i jia kylla kari hadooh wa da dooh yei mynsien yong uwi u bru.
Ini da jia i ha u sarokbah NH 44 ha chnong Khliehtyrshi, hajan ka FCI ha i bynta wa dong bha hiewa kawi ka kari Maruti Car ML04 B 8378 kawa wan neiliang Jowai da kylla ko.
Ha ini i jia uwa yah ya ka kari ya uwa da tip kam u Damekit Shangpliang (30 snem) na chnong Moodymmai da mynsoo wei da dooh u yei mynsien yong oo.
Ha iwi won i jia ha ka 14 tarik kawi truck wa em u No. AS-10C-0318 kawa kit mooyong lyngba u sarokbah NH 44 manda poi ha chnong Kuliang da kylla ko.
Ya kani ka truck da yah da u Md. Nazrul Islam wei uwa yarap ya oo (Handyman) uwa tip kam u Md. Mokar Uddin Laskar 37 snem i rta da khlaad u.
Discussion about this post