Pyllait ka LJP ya ka Vision Document yong ka neibynta ka Election MLA 2018

Shillong: Ka Lok Janshakti Party (LJP), Meghalaya Unit kawa da seiñ ha ka 04-05-2006 hapoh ka jylla da pyllait ko ya ka thong krehkaam Election namo ka Vision Document neibynta kani ka Election MLA 2018 hapoh ka jylla.

Ha kini ki 11 snem ka Lok Janshakti Party, Meghalaya da pyntip ko wa da yohlaad ko wow yakhun la arsien ki Election MLA heiwa ha u snem 2008 da pynyieñ ko 18 ngut ki kyrtong wei ha u snem 2013 da pynyieñ ko soo ngut ki kyrtong tangwa ym em wa jop.

Ha uni u snem won da em ko du uwi u kyrtong na 15-Mawlai (ST) Constituency uwa tip kam u Donlang Nongbri.

Ha ka Vision Document ka LJP da ong ko wa i thong yong ka toh wow pynman aiñ noh ya ka Village Administration Bill ka KHADC khlem pynslem yei por.

U pynneh pynsah ya ka riti dustur ki tre jylla ka Meghalaya, u pynbiang ya ka luti syngkieñ ha ki thaw nongkyndong, ka umbaam umdih wa i bordiñ.

Ka LJP leh da kular ko wow pynwiar ya i dooh kaam dooh jam ki khynroo khyllood ka jylla lada jop næ rem ko leh.

U kreh ko leh neibynta ki warep wow pynbiang ya iwa emkaam ki kam ki Cold Storage wow booh ya ki maar rep kamjooh wow maap ka sorkar ya ka ram yong ki.

Related posts

Ya ka Election cha GHADC daw pynbna hadien ka Delimitation

April 15, 2026

Baam smai u Samrat Choudhary kam u CM wa thymme ka Bihar

April 15, 2026

Ka LJP leh chimkhia ko yei psiah laitlaan ki baar jylla chapoh ka Meghalaya wei da ong ko wa kiwa boon ki sorkar wa da lai ym em chimkhia ki ya ini wei kyrchaan ko leh ya ka Inner Line Permit (ILP).

Ka LP da ong ko leh wa kyrchaan ko wow booh bhah 33% neibynta ki kynthai kam ki MLA wei da sñiaw ko leh wa ka puræ puthi toh u man ko kawa mynkna hadooh Class X.

Kiwi de ki phang toh wow thap ya ka ktieñ Khasi, Jaiñtia wa Garo hapoh ka 8^th Schedule ka riti synchaar ka ri, u pynbait ya u pood u ang ka jylla, u wanrah ya i suk wa ki seiñ kieñ suloi, u pynbiang ya ka Mining Policy wa kiwi kiwi.