Jowai: Da ki hajar ngut wan tooid ki paidbah ynnin ka sngi ha ka yalang paidbah u MLA warim ka 1-Nartiang Constituency, u Sniawbhalang Dhar wa pynman ha Namdong.
Ha kani ka sngi da emlang u HB Dan uwa man leh u MLA wa rim ka Nartiang Constituency, u Hilarious Dkhar uwa man u kyrtong wa yaleh pyrchah ya u Sniawbhalang Dhar ha u snem 2013, u Thombor Shiwat, u Phienlang Nonglien kiwa man kam ki MDC wa kiwi kiwi.
U Sniawbhalang Dhar hei klam da e khublei u ya ki paidbah wada wan ki cha kani ka yalang deiwa ong wa i wan ki paidbah pynyoo i wa dang em hi i chaniah ki ya oo wei daw pynjop biang ki ya oo ha kani ka kynti.
Da kular u leh wow kreh archah bar yei por wa dadep neibynta i roi i paar hapoh ka Constituency deiwa u pynman u ya ka 1-Nartiang Constituency kam ka Model Constituency.
Discussion about this post