Jowai: Ynnin ka sngi u kyrtong ka Congress na 4-Mookaiaw Constituency, u Nehemayah Tyngkan da pynman u ya ka yalang paidbah yong oo ha ka chnong Saphai heiwa da wan da ki hajar kiwa kyrchaan ya uni u kyrtong.
Hei klam da e khublei u ya ki deiwa kular wow wanrah ya ka Zone wa kynthup ya ka Z1, Z2, Z3, Z4 wa ka Z5 wei lynba kini ki Zone manda poi u ha ka thong u chna u ya ka Zonal Development Council khnang wow suk ki paidbah waroh.
Da ong u leh wa oo u ieh u yei kaam yong oo ymtoh neibynta yong ka yung yong oo tangwa toh neibynta ki paidbah wa ki khon ka Constituency wa kynthup ya ki 53 shnong hi waroh ka Constituency.
“Kular O ha khmat yong phi kiwa kyrchaan waroh kiwa e mynsien ya nga wow ksoh O yei burom ka Constituency wei sñiawbha man kiwa jai jai ha kani ka Election neibhah boon kiwa sih kiwa kwah ki u chim kabu kam heini i por wei emkaam wow kynmoo wow ngooh Blai,” da ong u Tyngkan.
Da kyntu u leh ya ki paidbah wow e ki i chaniah wa i kyrchaan ya oo ha kani ka kynti, khnang wow ye u wow wanrah ya iwa angnood ki paidbah ka Constituency waroh.
Discussion about this post