Shillong: Ha ki artylli ki Synod wa pynman ha Sutnga wa ha Sohiong, ki Pastor wa wan na Ri Wales ym em yohlaad ki u wan hadien wa chah kyntait ka Visa yong ki wow psiah chapoh ka ri India kiwa kynthup ya 9 ngut ki Pastor.
Ki Missionary ka Wales toh kiwa wanrah ya ka Gospel cha ri-loom Khasi wa Jaiñtia hapoh ka Welsh Calvinistic Methodist Church kawa tip hadien kam ka Presbyterian Church of Wales heiwa uwa pawnaam dooh uwa yalap kani ka Balang toh u Thomas Jones.
Ha kiwi ki Synod wa da dep pynman, ki Pastor na Wales ym jooh em wa khang wow psiah ki chapoh ka ri India wow embynta ha ki Synod tangwa ha kani ka kynti da chah kyntait ki.
Ha kini ki artylli ki Synod da booh leh ya ki wow klam ki tangwa waroh da man i iwa sepai hadien wow chah kyntait ki.
Kam wow pynkynmoo wa ha uni hi u snem u President ka Baptist World Alliance u Paul Msiza uwa na Johannesburg, South Africa da chah kyntait ka Visa u wow embynta ha ka lyngkhooh dap 150 snem ka Balang Garo Baptist Church ha ri-loom Garo ha u bnai January uni u snem kawa pynman ha Rajasimila ha East Garo Hills.
Discussion about this post