15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1

Da sdang ya ka PDB Project ha Meghalaya neibynta kiwa kjut chini

0 Comments
Advertisement ad1

Jowai: Ka “Prevention of Diabetic Blindness” (PDB) Project da sdang ya ka ha u snem 2015 ha kiwa boon ki jylla ka ri India, katwa ha ki thaiñ mihsngi won da sdang ya ka ynne ka 10 tarik ha ka yalang wa pynman ha Anton Hall, Laitumkhrah, Shillong.

Ya kani ka yalang da pynman da ka Indian Medical Association (IMA) & All Indian Ophthalmological Society (AIOS) hei yakrehlang wa ka Bansara Eye Care Centre (BECC) wa ka Society for Promotion of Eye Care & Sight (SPECS).

Chwa kani ka yalang da em ka pynche paidbah hei yatoh wa kani ka kaam heiwa ki thuk thuk da lai ki kylleiñ ka Shillong wei da sdang ya ka hadien wa kaweh lama u Superintendent of Police, East Khasi Hills District, u Davis Marak.

Ha ka yalang wa sdang ya kani ka Project da em i pynche paidbah da u Dr. D.S. Sethi (Diabetologist), Dr. NSD Raju (Chairman IMA PDB Project) wa u Dr. BNR Subudhi (National Coordinator IMA PDB Project).

Ha kani ka yalang da wan sakhi da kamwa 314 ngut kiwa kynthup ya ki seiñbhalang, ki khynnah skur, wa kiwi kiwi.

U lat ka jylla u Ganga Prasad da wan u kam u kongsan heiwa da ong u wa emkaam wow man ki kiwa im ha i rukom wow yada pyn daki yaki hi yow lait na i kjut chini (Diabetes).

Chooh chooh da kyntu u ya ki khynnah wa ki khynroo khyllood wow pynjoor ki ha ki kaam yalehke wow yoh yei doh i pran wa pura.

Ha kani ka yalang da emlang u Dr. Kharshiing (IMA President, Meghalaya), ka Dr. J. V Basaiawmoit (Organizing Secretary & Medical Director, Bansara Eye Care Centre), Dr. Lobsang Tsetim (Senior Eye Surgeon, Arunachal Pradesh) wa u Dr. AK Das (Ophthalmologist).

Hadien ka yalang wow sdang ya ka Project da em ka e sumaar wa mynkna cha kiwa em ha kani ka sngi.

 

Advertisement ad1

0 Comments

Leave a Reply