Da pynman ya ka yalang wa kyrpang ka Cabinet

Shillong : Ynne ka sngi da chong yalang ka Cabinet ka sorkar jylla wow pyrkhat ya ki yumut wada pachat (proposals) da ki tnat wapher wapher.

U Montri Rangbah ka jylla u Dr. Mukul M. Sangma da pyntip u wa ka tnat Urban Affairs wow pynku ya ka dan hei yatoh wa ki thaw ki bhaw  (Revision of Property Tax) da pdiang ka Cabinet. Da ong u wa katkam ki kyndon ka Meghalaya Municipal Act, 1973 (Assam Municipal Act, 1956 kam wada pynbood ka jylla Meghalaya) wei da sdang u pyrkhat yei dor ka dan wa da booh kam ka toh u leh man ka san snem.

Ka Montri ka Urban Affairs Minister, Dr Ampareen Lyngdoh da ong ko wa emkaam u pynku ya ki kyndon wa da booh da ka Shillong Municipal Board. Tanngwa ka Board da jooh bood ko yei dor warim heiwow khrong dan neibhah wa duna i yoh lap ka tnat wow kyrchan yei emkaam ki paidbah.

Ye leh u pynkynmoo wa ka sorkar India wa ka skim ka  Asian Development Bank, da emkaam u pynkylla cha ki bynta wow khrong dan katkam ki thaw ki bhaw wa ki yung ki sem.

Related posts

Da boonsien dep u yasyllok wa kiwa chongdai madan, phylla u Paul yei pynbaad wa leh yabor

November 24, 2024

Da 4 lak tam ki Vote jop ka Priyanka Gandhi ha ka Election wa nyngkong yong ka

November 23, 2024

U Montri Rangbah ka jylla da pyntip u leh wa emkaam leh u pynku ya ka aiñ wow neibynta ka mynried na ka Contingency Bill lyngba ka aiñ wa chipor (Meghalaya Ordinance 2016), yow pynku ya ka poisa da T. 200 klur na ka T. 300 klur da pdiang da ka sorkar weiwa u kreh ko nadooh ka 31 Wisu (March) 2016.

Da pyntip u Montri Rangbah wa ki yumut na ki heh tnat sorkar (Public Heads Department) wow ptieñ i krehkaam ki wow pteiñ i rukom krehkaam ki heh ki tnat kam ha ki Chief Engineer, PWD (Standard), C.W. Momin wa u Chief Engineer, PWD (R), L. Passah. Weiwa hei yatoh weini da e por wow kreh ki hadooh ka 30 Naitung (April) 2016.

Heijooh i por ka cabinet da pdiang ko leh ya ka Advisory Committee neibynta ka Meghalaya Day Awards heiwa daw pynkup burom ya u Headingson Ryntathiang neibynta ka U Tirot Singh Syiem Award, Rev. Frithing D Sangma neibynta ka Pa Togan Nengminza Award wa u Eugeneson Lyngdoh neibynta ka U Kiang Nangbah Award.