Patna: U Lat ka jylla Meghalaya u Ganga Prasad ynnin ka sngi da yada u yeiwa klam u dei ktien Hindi hapoh ka yung dorbar ka jylla deiwa ong wa sñiawsih u wa kynthah ka liang pyrchah yeiwa leh u.
U Prasad da ban joor u wa emkaam ya ka ktein Hindi wow wanrah ya ka sñiaw yajan ha waroh kawi ka ri.
Hawa lai chimbynta u ha ka Hindi Sahitya Sammelan Program, ha Patna u Ganga Prasad da ong u “Ym em leh ki paidbah wa pyrchah yeiwa leh O wei da klam O dei ktien Hindi hapoh ka jylla Meghalaya da ki bnai hadooh cha ki chnong wa em cha palat chnong wei boon yaroh ki manda klam O dei Hindi.”
Da pynkynmoo u leh wa ha ka Republic Day da klam u dei ktein Hindi wei ym em wa pyrchah wei hadooh u Montri Rangbahdooh ka ri leh manda poi u ha Meghalaya da klam u dei ktien Hindi wei ym em wa boh ya ini.
“Nga bood O yeiwa leh u Montri Rangbahdooh ka ri heiwa kat cha wa klam u la ha ka UN wa cha ki ri wa lai u da klam bait u da i ktien Hindi haddooh u Atal ji wei ini toh u pteiñ i,” ong u Prasad.
Hapoh ka jylla Meghalaya won da em ki MLA ka Congress wa mih hadien wa klam u dei ktien Hindi hapoh ka yung dorbar chna aiñ ka jylla.
Source: https://www.news18.com/news/politics/people-admire-when-i-speak-in-hindi-maghalaya-governor-defends-addressing-assmbly-in-hindi-1692345.html
Discussion about this post