Jowai: Ha ka 16 tarik uni u bnai katkam wa pyntip ki pulit da ong wa da chem ki ya iwi i metyap heipor 7 waje i step yong uwi u bru uwa ym tipmit uwa em kamwa 30 hadooh 40 snem i rta na Lum-Umpih wa haap hapoh ka Mawlasnai OP (RB).
I metyap toh iwa em kha chah dat neibynta i khlieh wei ki pulit dang pynman ki ya ka takit hajrong ini.
Ha iwi tawon i jia ha ka 15 tarik uni u bnai, u T. Phawa da chem wa da pasi u ha young kurim wa sah u ha chnong Mukhla tangwa kiwa em yatoh yong oo da ujor ki wa da suba wa chah tynyap u wei ki pulit dang pynman ki ya ka takit.
Ha ka jooh ka sngi da em ki damok wa da khang ya ka luti wow lai cha ka Taj Hotel deiwa booh da ki moo wa heh kawa em ha Khanapara neiliang ka jylla Assam.
Da em leh wa tympiah ya ka khyrdop wow psiah cha kani ka Hotel kawa haap hapoh ka jylla Assam wei da chah tympra leh ki chuki wa kiwa boon ki dwar khian kiwa em won neiliang ka jylla Meghalaya.
Ha ka 13 tarik won da ujor pyrchah ya u Patjim Kharsyntiew wa dai u 11 tylli ki challan thok wa da kynjoh hadooh T. 3,74,000 cha u Pynsuklang Matlai na Ladweitang, Nongstoin (WKH) wei ki pulit da kem ki ya u Patjim.
Discussion about this post