Kular ka sorkar pyrdi wow yakrehlang wa ka sorkar jylla ha kiwa boon ki kaam pynroi: Conrad

Shillong: U Montri Rangbah ka jylla, u Conrad K Sangma da pyntip u wa ka sorkar India da kular ko wow krehlang waka sorkar jylla wow yarap wei wow kyrchaan ya ka sorkar jylla ha ki kaam pynroi.

Hawa klam u wa ki laad pathai khubor hadien wa da kut ka dorbar ynne ka sngi, u Conrad da ong u wa dadep yachem u wa u Montri Rangbahdooh ka ri, u Narendra Modi ha Delhi wei da yaklam chaphang ka kaam rep kaam riang wa ka National Games ka wow man ha u snem 2022.

Da ong u leh wa da yaklam leh ya kiwi ki phang kiwa ktah ya ka jylla wei neiliang ka sorkar jylla da kyntu ko leh ya u Montri Rangbahdooh wow tuklar lang u neibynta kiwa boon i eh wa ka jylla yachem ko, nadooh i chah khang tih mooyong ha ka NGT, i khajia khappood wa ka Assam wa i eh ka jylla ha ka liang ka muna poisa wa kiwi kiwi.

Chooh chooh da ong u wa i klam chaphang ka National Games ha ka jylla man ko kam ka wow wai laad ya ka jylla ha kiwa boon ki liang neibhah ymtoh du ya ka kaam yalehke wei daw yarap ko leh ya ki kaam uiñke suwari, u pynbha ya ki luti syngkieñ, i ku ka jylla ha ka lehkhooid wa kiwi ki kaam pynroi.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025