Dawa ka Agatha Sangma wow booh ya ka AMRIT Pharmacy, ka College wa kiwi kiwi ha ri-loom Garo

Shillong: Ka yung dorbar ynne ka sngi da yania ko hajrong i klam maitphang u Lat ka jylla, u Ganga Prasad wei ya ini da sdang chwa da ka MLA na South Tura, ka Agatha Sangma kawa da yaroh ya ki phang wa u Lat da klam u khamtam neibynta wow wanrah ya ki kaam pynroi ha ka jylla waroh kawi ha kini ki chisnem da ka sorkar thymme.

Ka Agatha da kyntu ko ya ka liang pyrchah wow yakrehlang neibynta wow e i chakri kawa paka ya ka jylla kam kiwa mihkhmat.

Da pynsñiaw ko wa ka ri-loom Garo leh emkaam ko wow yoh kamwa yoh ka sor Shillong wei da dawa ko ya ka AMRIT Pharmacy ha Tura kamwa da booh ha Shillong Civil Hospital khnang wa ki paidbah ka thaiñ u yoh ki i dawai hei dor wa biang.

Da dawa ko sa kawi ka college sorkar ha Tura hanlada em kawi deiwa ong wa ympu ye ko u pynbiang ya ki khynnah puræ ka thaiñ na wei ka Agatha da kyrpaad ko leh wow kyntu chooh chooh ya ka District Library ha Tura neibhah hadooh katni ki kot duna bha ki wei man ki leh kiwa da rim bha.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025