Ka takit lai bait ko wow chemdien ya kiwa emkti wow tynyap ya u Poipynhun Majaw: SP, EJH

Jowai: I khlaad syndet u President ka JYF u Poipynhun Majaw da pynkhyrngiat wei da pynsñiawsih ko ya kiwa boon kiwa chong chnong ka ri-loom Jaiñtia.

Katkam ka yutip wa yoh na u SP ka East Jaiñtia Hills u N. Lamare da ong u wa ynnin i step u Majaw da chim wai u ya kawi ka kari kamai na Jowai kawa da yah da u R. Laloo heipor kamwa 8:30 – 9:00 waje i step dei thmu wow lai emkaam cha Khliehriat.

Manda poi ha Khliehriat da sangeh wei da pynyieñ ya ka kani ha ka kari ha thaw pynyeiñ kari wa em hajan ka Khliehriat Community Hall heiwa u Majaw da hiar u napoh kari wow lai yachem bru u.

Hadien ini da em wa yoo ya u Majaw ha thaw pynyieñ kari wa em hajan ka yung krehkaam u DC ka EJH heipor kamwa 3:00 waje i sngi wei em u chirup wa uwi u bru uwa ksoh Helmet ha kti u wym tipmit.

Hei miet heipor kamwa 10:00 – 10:30 ki paidbah wa lai luti da yoo ki ya i metyap wa em harood sarok wei mar pyrchah won em ka thuk thuk wa em u No. ML 04 A 0911.

Manda poi ki pulit da chem ki ya uwi u naar Wrench hajan u Majaw uwa da bi snaam wei da suba da chah dat u da uni u naar na ki bynta i khlieh yong oo.

Uwa kamai ya ka kari wa lai u Majaw cha Khliehriat da ong u wa da yang u ya oo (Majaw) hadooh 9:00 waje i miet wei katwa ym em yoh phone u da liwan noh u cha Jowai, wei ynne i step leh dang pyrchang phone u oo u Majaw yow paan bai kari tangwa ym em yoh phone u.

Related posts

Chah tooh biang sa kawi ka Scooty na pchem yung ha Jowai

February 4, 2026

Chah kem u Police Inspector wa baam poisa na u hehspah deiwa maham

January 31, 2026

Neiliang u SP ka District da pyntip u wa hadien wa pyndep u leh yeiwa emkaam da ekti ya i metyap cha kiwa hayung yong oo katwa ka takit dang man ko kawa lai chakhmat.

Heijooh i por da pyntip u wa ym slem de daw chemdien ya kiwa emkti wow leh ya ini i kaam.