Chah jied Symbood Lamphang u Timothy, chah kyntait ka wi ka vote

Shillong: U MLA ka NPP na Resubelpara, u Timothy D Shira da chah jied u kam u Symbood Lamphang (Deputy Speaker) ka yung dorbar wa chiphaw deiwa pynrem ya u kyrtong ka liang pyrchah ka Congress u David Nongrum ha ka yajied kawa man ynne ka sngi ha yung dorbar.

U Timothy u kyrtong ka liangsynchaar ka Meghalaya Democratic Alliance (MDA) da yoh u 36 vote katwa u David Nongrum ka liangpyrchah da yoh u 20 vote wa ka wi ka vote da chah kyntait noh ko.

Katwa ka liang pyrchah em du ka Congress 20 ngut wa 2 ngut ki MLA kiwa chong pyrdi ym em kyrchaan ki ya uwon uwon leh, wei kini kynthup ki ya u SK Sunn MLA samen na Mawphlang wa u MLA ka KHNAM na Shillong North, u Adelbert Nongrum.

U Timothy toh u dkhot wa da tymmen dooh tam napyrdi waroh ha kani ka kynti uwa da kynjoh cha ka 70 snem tam.

Related posts

Dang jan u lai na Shillong cha Vietnam, Thailand, Laos, Cambodia wa Burma bar cha Delhi: Conrad

November 14, 2024

Pynbna ka VPP ya ki kyrtong MDC ha ka JHADC wa KHADC

November 13, 2024

Da khut ya oo kam u warep neibhah wa da ieh u yei kaam sorkar ha u snem 1976 wei da psiah u cha ka saiñ hima nadooh u snem 1978. Nalor kam uwa rep da chakri paidbah u hadooh wa da chah jied u boonsien kam u MLA hanlada chah rem u boonsien.

Hawa klam u hadien wa dhah jied hapoh ka yung dorbar, u Timothy da ong u wa nadooh wa psiah cha ka kaam saiñ pyrthai um jooh chong ngiah u hanlada rem u leh neibhah em bait ka rai kut wow pynrem ya kiwi ki kyrtong wei ini da man sakhiat ko.