Sñiawkhia ki ar seiñ wa em ki dukan kiwa khlem License namo kiwa khlem NOC ha Iawmusiang wa Newhill

Jowai: Ki ar seiñ ka JNC (WJZ) wa ka AJSU da yachem ki ya u MDC ka JHADC wa pait ya ka Trading License u W. Sungoh neidaw wa ki seiñ da yoh ujor ki wa boon ki dukan dkhar wa em nadooh na Iawmusiang hadooh Loomsooiung Newhill toh ki wym em yoh ya ka NOC na ki dong wei kini ki ar seiñ da ong ki wa da wan pynsakhiat ki ya ini.

Da chem leh wa kini ki dukan ym em pynthymme ki ya ka Trading License kamjooh ya ki NOC na ki dong la 4 snem wei ki seiñ da yoh ki u yaklam wa ki tre yung kiwa ong wa kamni bait leh kini kiwa chim wai dukan.

Ki seiñ da kylli ki wa hawa ya ki dukan wa dai kwai wadong leh dang haap ki u su bai dan man ka sngi katwa kini won ki dukan heh yong ki dkhar won khlem haap su ki iwon iwon leh.

Ki ar seiñ da e nongmuna ki ya ka dukan Fancy Cloth Store wa em ha Gate Laban kawa man ka dukan u Abdul Rahman Chaudhary deiwa kylli neiyi i daw wa ka JHADC ym em chimkia wow tuklar yeini.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Ki arseiñ hadien wa yachem ki wa u waheh chnong ka Newhill uwa da pyntip u cha ki wa kini ki thaw haap ki cha ka Iawmusiang.

Hadien wa lai khynreh ki arseiñ ya kini ki dukan da sai ki ya ki Receipt wa kam ki toh naka JHADC tangwa ki wym em wa soi pyrtuid kamjooh leh ka Seal.

Ki ar seiñ da beiñ joor ki leh ya ka tre yung kini ki dukan wym chimkhia ki ya ini kaam.

Kani toh katkam wa pyntip u A.R. Dhar President ka JNC WJZ wa u P.S. Phawa President ka AJSU.