15 49.0138 8.38624 1 0 4000 1 https://wyrta.com 300 0

Kular u Conrad wow khut yalang biang ya ki dkhot ka KDA heiyatoh wa ki phang wa dawa ko

0 Comments
Advertisement ad1

Shillong: Ynne ka sngi ki bru kiwa em i duna ha i doh i pran hapoh ka lama ka Khasi Disabilities Association (KDA) da yachem ki ya u Montri Rangbah ka jylla, u Conrad K Sangma heiwa da ekti ha oo ya ka dorkhat heiwa da booh ya ki 7 tylli ki phang dawa.

Kini ki phang dawa kynthup ki wow pynkrehkaam ya ka bhah thung kreh kawa 4 percent kawa da mang da ka sorkar pyrdi ha ki tnat sorkar, wow e bhah 5 percent ya ki permit kamai taxi, wow mang 5 percent ya ki scheme ka sorkar, wow pynman exam thung kreh kawa kyrpang ya kiwa em i duna ha i  doh i pran katkam ka aiñ Rights of Persons with Disabilities Act 2016, wow pynku ya ka bai baam na ka T.1,000 cha ka T.3,000 chi bnai wei wow pynche paidbah yei hok yong kam kini ki bru.

Advertisement ad1

Katkam wa pyntip u Michael Thongni u Asst Secretary ka KDA, u Montri Rangbah da kular u wow khut yalang u ya kiwa mihkhmat ka seiñ wa ki sahep ka tnat Social Welfare Department hadien wa da kut ka dorbar mang poisa.

Advertisement ad1

0 Comments

Leave a Reply