Da pynyaar ya ka bhah thungkreh ha ki kaam puræ puthi hapoh ka jylla: Conrad Sangma

Shillong: U Montri Rangbah ka jylla, u Conrad K. Sangma da ong u wa ka bhah thung kreh ka jylla da pynyaar ha ka bhah puræ puthi kamjooh leh ya ki khynroo khyllood ka jylla hajrong ka bhah psiah kreh.

Hawa jubab ya iwa kylli u MLA ka Mawphlang u Syntar Klas Sun ynne ka sngi hapoh ka yung dorbar, u Conrad da ong u wa hei sakhiat ym em ka kyntien kawa da thoh ya ka bhah thung kreh kawa yatoh wa ka bhah puræ ki khynroo khyllood ka jylla tangwa ka sorkar da pynyaar ko ya ini deiwa kdup lang ha kani ka Policy.

Ya ini i jubab u Conrad da wanrah ko yei yania na uwa yahkhmat ka liang pyrchah u Dr. Mukul Sangma uwa kwah wa u Montri Rangbah toh u pynbait u yei jubab neibhah ym yahaap ko yaboi yah ko deiwi tawon.

Tangwa hajrong ini neiliang u Conrad da ong u wa ka jubab ymtoh man ko kawa bakla wei oo yieñ bait u hajrong ini neibhah wa ki sorkar warim leh jooh bood ki ya kani ka rukom pynyaar ya ka bhah thung kreh cha ka bhah puræ neibynta ki khynroo khyllood wa puræ.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025