Pynman workshop ka Rilum Social Welfare Organisation, Namdong hei iatoh waka Sixth Schedule

Jwai: Ia kani ka workshop da pynman ia ka hadien wa da mih boon ki hukom na ki yung bichar kiwa em ha jylla wa haka Ri kiwa da pynkylli ia ki paidbah ia i jingmut iong ka Sixth Schedule. Da mih ki jngkylli wa ye sakhiat ne ym ye ka Sixth Schedule u iada wa u pynneh ia ka riti dustur ki bru ka Meghalaya.

Ka jingpynche wa ioh ki paidbah ynne ka sngi toh na u ma Erwin Sutnga, u ma Sadon Blah wa u John Kharshiing.

Da phyllu jingmut yow snaiwthuh ia i thaw iong ka Sixth Schedule hapoh ka Constitution ka ri India. Neiwon mih kini i kulmar hei iatoh wa ki hok ki bru ka jylla wa kamjooh leh katwon da leh ki district council hei iatoh u pynchna ia ki aiñ u pynksan ia ki hok ki paidbah. Kamwa man kattæ da em ka amendment kawa daw pyntlot chooh chooh ia ki bor ka Sixth Schedule ong u Ma Erwin Sutnga.  Ong chooh chooh u wa da em ki mukotdama ha Supreme Court wa da pynche ko wa ym ye u chna aiñ kat wa ngait hapoh ka Sixth Schedule. Ki District Council ye ki u chna aiñ hei iatoh wa u pynemkaam ia ki thaw yow pynman chnong, thaw rep, i rukom pynemkaam ia ki khloo, i jied waheh chnong, ka hiar patein ki thaw ki bhaw, i chong kurim wa i pyllait san chyien wei wa u peit ia ki town committee. Hadooh katni leh ong u dang boon ki rukom kreh kam ki aiñ ka sorkar jylla wa ki aiñ ka sorkar India hapoh ki Sixth Schedule area wa ym snaiwthooh bha. Neibhah ha ka Mizoram wa ka Nagaland ka Constitution da pynche bha ko wa ki toh ki Tribal State kamjooh leh da khana bniah ia ki hok ki bru ha i man tre ki ia ki mar pohkhyndaw leh.

Da mih ka rai ha kani ka sngi wa u pynchlur ia ki bru u puræ ki ia ki aiñ synchar khaddar wa kamjooh u li rah cha kiwi pa kiwi ki chnong u pynche ia ki paidbah hei yatoh wa chiboon ki  aiñ næ ki hukum ki yung bichar.  Boon na ki wa em ha kani ka sngi da ong ki wa da chaniah beit ki ha ki nong mihkhmat iong ki hei iatoh wa ki boon ki aiñ kamtam ia ka Sixth Schedule.

Related posts

Da 4 lak tam ki Vote jop ka Priyanka Gandhi ha ka Election wa nyngkong yong ka

November 23, 2024

Ym du ha Garo tangwa ka Meghalaya waroh da yoo yei kylla hapoh ka NPP, ong ka MLA wa thymme ka Gambegre

November 23, 2024

U John Kharshiing ong u da sniaw sarom wa da hap wan da ka High Court wa ka Supreme u kyrsu thiah ia i iow yo i iakni ki jingduna ha ki aiñ ka jylla wa ki district council, kamjoh man ko ka kabu ksiar ia i neibhah katu waroh da khyrngiat i wa neini chakahmat waroh ki aiñ kiwa daw chna, ki paidbah daw peit bniah bha ki ki.