Jowa: Ka seiñ A’chik Youth Welfare Organisation (AYWO) da pynsñiaw ko yei sñiawsih kamjooh yei sñiawkhia yei pyrkhat u montri rangbah ka jylla u wow e ya ka Work Permit ya ki nong Bangla yow ye ki wan kreh chapoh ka jylla.
Ka AYWO kwah ko wow pynkynmoo ko ya u montri rangbah wa waroh kiwa emlang ha ka synchaar wa da jied ya ki da ki paidbah ka jylla Meghalaya ym toh da ki nong Bangla wei ym toh u em itæ i mynsien sñiaw wyrai ya ki wei ka sorkar jylla toh u kreh ko neibynta ki tre jylla deiwa booh ya ki thaw psiah thaw mih namo ki Entry wa Exit Point wow sylli yei psiah be-aiñ ki baar jylla chapoh ka jylla.
Ka seiñ da ong ko leh wa hapoh ka jylla Meghalaya da pynkrehkaam ya ka aiñ Land Transfer Act 1972, ka aiñ Meghalaya Benami Transaction Act, ka Meghalaya Residential Bill wow pait yei chitom ki paidbah.
Wow pyrkhat won chwa ya ki nong Bangla da man ko kawa pyrchah yei thmu ka sorkar kamjooh pyrchah paidbah.
Ka AYWO da ong ko wa ym tooh u pyrkhat ya ka khayi pateiñ lada ki jait bru won da booh yei ma ya ki wei lada u montri rangbah lada kwah u leh yeiwa thmu u emkaam wow pynkrehkaam chwa ya ka ILP.
Ka seiñ leh da ong ko wa katni i yoh khih yoh kreh ki khynroo khyllood toh iwa chitom bha wei lada saka Work Permit cha ki nong Bangla da tooh yei hok yong ki wow yoh kreh, kamtæ lada u Montri Rangbah wow pynyoh khih ya ki khyroo khyllood i buit yong yong oo lai ko pyrchah yei thrang ki paidbah wow ye ki u seiñ khih wei wow yieñ hei kjat yong ki hi.
Ka seiñ da pynkut ko deiwa ong waka sorkar MDA toh u mylliñ chwa ko wow e Work Permit ya ki nong Bangla wei wow pyrkhat chwa ya ki tre jylla.
Ini toh katkam wa pyntip u Silkam Marak, Chief Organising Secretary ka AYWO (CGB) Tura.
Discussion about this post