Ym em de ki heh GNLA kiwa dang em ha ka seiñ: Prestone

Shillong: U Montri ka tnat PWD u Prestone Tynsong da ong u wa ka sorkar jylla lyngba ka tnat pulit da pyntlot ko ya ki kaam pyrchah aiñ yong ka seiñ kieñ suloi GNLA ha kini ki snem kamjooh leh kiwi ki seiñ hapoh ka jylla.

Ya ini da jubab u yeiwa kylli da u Winnerson D Shira, tangwa neiliang u Montri ym ye u wow jubab wa hadooh katwon ngut ki dkhot ka GNLA kiwa dang em hapoh ka seiñ hadooh katni.

U Tynsong da ong u wa ym em de ki dkhot ka GNLA kiwa da rim wa kiwa rap haphrang du neidaw wa kreh chitom ka tnat pulit kawa ye u pynwiar wei wow pyntlot ya ki.

Chooh chooh da ong u wa ki scheme yarap wa e ka sorkar cha kiwa wan pyndem u pteiñ bait i wei ka sorkar u kynreh bait ko ya kiwa emkti ha ki kaam wa man pyrchah ya ka ri.