Ka Mawphlang CHC daw yoh kor X-ray noh ko: AL Hek

Shillong: U Montri ka tnat ka chait i khiah ka jylla, u AL Hek da ong u wa ha Mawphlang CHC da mang wow booh ya ka kor (machine) X-Ray wa ka kor wow tip yei man i long i snaam næ ka Blood Count Machine.

Ya ini u AL Hek da ong u hawa jubab yeiwa kylli u MLA ka Mawphlang, u Syntar Klas Sun ha yung dorbar ynne ka sngi, neibhah wa kwah u wow tip lada ka Mawphlang CHC kawa dang krehkaam wot em ko namo ym em kor X-Ray ko wa ki kor test snaam.

U Hek da ong u wa i tyrwa na ka yungkrehkaam u Medical & Health Officer (MHO) wa pait ya ka Mawphlang CHC da yoh pdiang da ka sorkar wei daw leh ko yeiwa emkaam hajrong ini.

Katkam wa ong u montri ya ini iwa tyrwa na u MHO da yoh pdiang dang ha ka 28 Wisu 2018 wei ka sorkar dang pynkhreh ko wow leh yeiwa emkaam.