Jowai: Ynne i janmiet heipor kamwa 5:00 waje kawi ka bru da chah dung ko ha ka wi ka kynthai heipor wa thied doh syiar ko na iwi i dukan wa em hajan laad Stadium, Ladthadlaboh.
Katkam wa ong kiwa sakhi kawa dung da psiah ko hapoh dukan wei da dung ko ya kawi ka bru heipor wa dang thied doh syiar wei da sai ko da ka tari wa khian wei da dung ko ka rap haneiñ tympong.
Da em leh kiwa pyrchang u ksoh ka kani ka bru tangwa da yut ko katwa uwi uwa kdong ka da ong u psiah ko hapoh kawi ka kari kamai wei da yut noh ko.
Ya kawa chah dung da kit ya ka cha Dr. Norman Tunnel Hospital, Jowai.
Update:
Kawa chah dung da tip kam ka Emjingmut Biam (20 snem) na Nongkynreh, Raliang wei kawa dung da tip kam ka Daroilang Kanai wei da suba wa ini i kaam toh neidaw wa em i kajia hapyrdi yong kini ki ar ngut.
Discussion about this post