Ha ka yalang Niti Forum pachat u Conrad ya ki kaam pynroi wa thmu ka sorkar u pynkreh

Jowai: Ka Niti Forum kawa da chna ynne ka sngi ha Agartala neibynta ki jylla thaiñ mihsngi ka ri, da wan emlang u Minister of State DoNER u Dr. Jitendra Singh wa u Vice Chairman ka Niti Aayog u Rajiv Kumar.

U montri rangbah ka jylla Meghlaya u Conrad K. Sangma da emlang u wa u montri rangbah ka jylla Tripura u Biplab Kumar Deb, u montri rangbah ka jylla Nagaland u Neiphiu Rio wa kiwi ki montri ki jylla ka thaiñ mihsngi.

Ha ka yaklam wa neh waroh chisngi, ki dkhot ka Niti Forum da yaklam ki ya ki phang wa emkaam kam wow pynku ya ka kaam pynmih bordiñ, ki kaam uiñke suwari, ki dawai kynbat, ka rep ka riang, ka rep ka riang wa i rukom rep deiwa pynemkaam da ki sboh wa e ka rymaw (Organic Farming) nalor kiwi kiwi.

U Conrad da klam u chaphang i emkaam wow pynpoi ya ki lieñ suiñ chapoh kani ka thaiñ mihsngi kawa ye kiwi ki ri wa em hapoh ki ri Asean wow suk u poi, kamjooh leh yei emkaam ya ki sarok wa paka.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

“Ka 2022 National Games ha Meghalaya toh u kheiñ ya ka kam ka laad ka kabu ya waroh ki jylla ka thaiñ mihsngi yow wanrah lang ko ka roi ka paar ya waroh”, da ong u Conrad.

Da ong u leh wa kani ka Niti Aayog Forum man ko ka rynsan ya waroh ki jylla ka thaiñ mihsngi wow pynyoo ya ki sap ki phong yong ki.

Da klam u leh chaphang iwa emkaam wow pyrkhat chaphang i kylla ka suiñ bneiñ deiwa chna ya kiwa emkaam wow yada ya ka rymaw yow lait na i chah ktah na i bor ka rymaw.

Da pynkut u deiwa ong wa ka jylla Meghalaya dang chong pyrkhat ko wa kammon wow pynemkaam ya i jhep wa mih kam ki Plastic deiwa krehlang wa ki chnong hei rukom wow lait ki u sepai kamjooh ya ki jhep wow pyut kiwa ye u wanrah myntoi ya ka imlang sahlang.