Rah ka Nongmadan Pynursla FC yei naam jop ha ka 18th Ri War Cup Invitational Football Tournament

Amlarem: Ka 18th Ri War Cup Invitational Football Tournament wa pynman da ka Bakur Social Welfare Sport Club ha madan bol Dawki da poi ko cha wa kut ha kani ka 14 tarik da ka yalehke Final hapyrdi ka Nongmadan Pynursla FC waka Lamin XI heiwa ka Nongmadan Pynursla da jop ko da 3-1.

Ya kani ka Tournament da wan pynhaap pyrda da u montri ka tnat puræ puthi u Lahkmen Rymbui kam u kongsan hei emlang ki bru wa pawkhmat yong kani ka thaiñ wa ki paidbah wa boon.

Ha chwa wow sdang ka yalehke, u kongsan da e u yei klam wa tbian heiwa da yaroh u ya ki paidbah wa boon wa wan sakhi ya kani ka yalehke iwa pynyoo leh wa ki kiwa maya ya ka yalehke Football. Da yaroh u leh ya kiwa pynman ya kani ka lympung yei kreh chitom wow pteiñ ya ka na ki snem cha ki snem wei da pyn-eh nasib u leh ya ka.

Da kular u leh wow e yarap yow pynbha pynmiat ya ka madan bol.

Related posts

Santosh Trophy 2025-26: Jop ka Meghalaya ya ka Odisha

January 22, 2026

Da khut ya ki khynnah wa hapoh 18 snem cha ka Winter Coaching Camp ha Kiang Nangbah Stadium

January 22, 2026

Ha kani ka sngi yei naam Best Player da yoh da u Lokhon Khonglah yong ka Lamin XI, Best Goalkeeper da yoh u Kambamut Sumer yong ka Nongmadan FC katwa yei naam Top Scorer da yoh da u Iarbor Khongnoh uwa yaleh naka Mawshun FC.

Ka Nongmadan Pynursla FC kawa yoh rah yei naam wa jop da yoh ko leh ya ka song poisa T. 1,35,000 katwa ka Lamin XI won da yoh ko T. 75,000 deilang wa ki Trophy.