Da ki No Overtaking Sign e sñiawbha ki ar seiñ ya ka Jowai Traffic Police

Jowai: Ki ar seiñ ka AJSU-CB waka JNC-WJZ hei yahkhmat u GS ka AJSU-CB u L. Phawa wa u President ka JNC WJZ ua A.R. Dhar da e sñiawbha ki da ki No Overtaking Sign ya ka Jowai Traffic Police kam chibynta wow lait nei yah kari habra namo i yah kari khlem akor ha ki thaw wa em ki laad ki thaw wow kaap cha chiliang sarok khamtam ki khynnah lai skur kam ha Madan Daimasi Ladthadboh, wa jooh jia ki ya tyrrah kari wa booh yei ma ya kiwa lai kjat khamtam ki khynnah.

Ka seiñ da kyntu ko leh ya waroh kiwa yah kari wa ki paidbah wow sumaar ki ya kini ki Traffic Signage Board neibhah man ki kam chibynta wow yada wow lait na iwon iwa jia wa sñiawsih. Da kyntu ki ar seiñ leh ya kiwa pyllai ya ka chnong Ladthadlaboh wow khang pyrchah ki ya ki kari heh kam ki Truck wow pynyieñ ha ki thaw wa khian iwa pynthut ya kiwa lai wa wan.

Ki ar seiñ da ong ki leh wa neiliang u Traffic In-charge u D.H. Pde, da ong u wa dang boon ki thaw kiwa toh u booh ya kini ki Traffic Sinage Board kam ha Civil Hospital, Madan Mihmyntdu wa kiwi kiwi ki thaw wei lada chna leh da ki thaw yieñ ki pulit wow pyllai kari leh ym man neidaw wa khian ware i thaw.

Kamtæ ki ar seiñ da kyntu joor ki ya ka PWD (Road Central Division Jowai) wow booh ko da ki Rumble Speed Breaker, ha Laad Jowai Bypass ha Soomer neibhah ini i thaw da jia boon i tyrrah kari man ka por.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Da kyntu leh ya ka PWD wow booh leh sa ya ki Signboard hajan ka yungkrehkaam u DC ha Jowai ki wow kdaw ya ka sarok wow lai cha Dawki wa kiwi ki thaw lai uiñke suwari khnang yow lait kiwa wan uiñke suwari u wiar luti.

Kani toh katkam wa pyntip u PS Phawa Working President AJSU.