29 tarik u rah lama yong ki le seiñ hapoh East Jaintia

Jowai : Ki le seiñ wa kynthup ya ka EJNC-Central Council, JSM-Central Boday, HANM-East Jaintia hadien wa kut i por wa e ki ya ka ophis u Deputy Commissioner yow pynman eksaam biang sa chisien hadien wa mih i kynrum kynram ka result ka DSC ya ka post LDA-Cum-Typist da rai ki u pynman ya ka rah lama yong.

Ynne ka 27 tarik ki le seiñ da yachem ki wa u DC ka East Jaintia Hills District yow sñaiw ka rai wei da pyntip u wa ka DSC da dep pynman ki ya ka yalang ha ka 20 tarik uni u bnai wei da rai leh u phah ya kani ka kaam cha ki bor wa haneiñ.

Da pyntip leh wa ka DSC ym ye de ko u pynman biang ya ka eksam ya kani ka post kreh næ u khut advertisement sa chisien.

Kamtæ ki le seiñ daw pynman ki ka yalang wa jhan ynne ka sngi ha khmat ka SBI Khliehriat West heipor 11 waje i step wei da rai leh u lai paidbah dei rah lama yong ha ka 29 tarik uni u bnai.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Ki daw kani ka lai paidbah toh wow pynman biang ya ka eksaam ya kani ka post deiwa khut advertisement biang sa chisein. Ki le seiñ leh ong ki wa ini i mih ki kynrum kynram pynyoo wa ki dkhot DSC hadooh u Chairman ym pu em man ki kiwa biang.

Ya kani ka post da em hadooh  50 ngut ki khynroo khyllood wa wan yaleh ya kani ka post.